Chandrapur News, 03 Dec : राज्यभरात काल 264 नगरपरिषदा व नगरपंचायतींच्या निवडणुकांसाठी मतदान पार पडलं. मात्र मतदानाची दिवशी विविध जिल्ह्यांमध्ये निवडणुकीला गालबोट लावणाऱ्या घटना घडल्याचं समोर आलं.
काही ठिकाणी नेत्यांनीच मतदान गोपनीयतेचा भंग केला, तर कुठे बोगस मतदारांना पळवून लावल्याची घटना घडली. तर काही ठिकाणी तुफान राडा आणि मारहाणीच्या घटना घडल्या. अशीच एक घटना चंद्रपुरात घडली आहे.
निवडणुकीत मदत केली नाही म्हणून एकनाथ शिंदेंच्या शिवसेनेच्या नगराध्यक्ष पदाच्या उमेदवाराने भाजप कार्यकर्त्याला मारहाण आणि शिवीगाळ केल्याचा धक्कादायक प्रकार समोर आला आहे.
मिळालेल्या माहितीनुसार, चंद्रपूर येथील शिंदेंच्या शिवसेनेच्या नगराध्यक्ष पदाच्या उमेदवाराने आपल्याला निवडणुकीत मदत केली नाही असा आरोप करत एका भाजप कार्यकर्त्याला मारहाण केली. या घटनेमुळे संतप्त झालेल्या भाजप कार्यकर्त्यांनी थेट राजुरा पोलीस स्टेशनमध्ये ठिय्या मांडला.
शिवाय आरोपींवर कारवाई करावी अशी मागणी पोलिसांना केली. यावेळी राजुरा मतदारसंघाचे भाजप आमदार देवराव भोंगळे देखील उपस्थित होते. या घटनेमुळे ऐन मतदानाच्या दिवशी परिसरात तणावाच वातावरण निर्माण झालं होतं. तर दुसरीकडे चंद्रपूरच्या गडचांदूर येथे मतदाना एका मतदाराने चक्क ईव्हीएमच फोडल्याची घटना समोर आली आहे.
राम दुर्गे असं ईव्हीएम मशीन फोडणाऱ्या मतदाराचे नाव आहे. आपण 'नगारा' चिन्हा समोरील बटन दाबल्यावर कमळाचा लाईट लागल्याचा दावा करत या मतदाराने ईव्हीएम फोडल्याचं सांगितलं जात आहे. दरम्यान, पोलिसांनी राम दुर्गे यांना ताब्यात घेतलं आणि त्या ठिकाणी नवीन ईव्हीएम लावून मतदानाची प्रक्रिया सुरू केली.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.