Ashok Chavan On Loksabha : लोकसभेच्या जागा वाटपाबाबत 'काँग्रेसचा पॅटर्न' काय? ; अशोक चव्हाण म्हणाले...

Congress News : आगामी लोकसभा निवडणुकींच्या (Loksabha Election 2024) संदर्भात आता सगळ्याच पक्षांकडून जोरदार तयारी सुरू आहे. महाविकास आघाडीतील (Mahavikas Aghadi News) तिन्ही पक्ष एकत्रित निवडणूक लढणार असल्याचे जाहीर केले असले तरी जागावाटपाच्या मुद्द्यावरून आघाडीतल्या तिन्ही पक्षांमध्ये सुंदोपसुंदी सुरू असल्याचे बोलले जात आहे. यामुळे जागावाटप पार पडणार तरी कसे याकडे सर्वांचे लक्ष लागले आहे. (Latast Marathi News)

महाविकास आघाडीतील जागावाटपाबाबतची चर्चा मागील अनेक दिवसांपासून सुरूच आहे. यावरून वेगवेगळे दावे केले जात आहेत. आज या संदर्भात काँग्रेसची बैठक पार पडली. जागावाटपाचा हा मुद्दा गेल्या अनेक दिवसांपासून चर्चेत असतानाच काँग्रेसने यासंदर्भात आज बैठक घेतली. बैठक पार पडल्यानंतर काँग्रेसचे ज्येष्ठ नेते व माजी मुख्यमंत्री अशोक चव्हाण (Ashok Chavan) यांची पत्रकार परिषद पार पडली. यावेळी त्यांनी बैठकीतील चर्चेबाबत सविस्तर माहिती दिली.

अशोक चव्हाण म्हणाले, “तिन्ही पक्षांनी जागावाटपाबाबत आपापली भूमिका स्पष्ट करावी. यामुळे जागावाटपावर एक निश्चिती करता येईल. याच अनुषंगाने काँग्रेसकडून जागावाटपाबाबत असा निर्णय घेतला आहे की, त्या त्या जिल्ह्यातील स्थानिक नेते, पदाधिकारी व कार्यकर्ते यांचं म्हणणं काय आहे, हे जाणणे महत्त्वाचे आहे. देशातील राजकीय परिस्थिती एकंदरीत बदलत आहे. मोदी सरकारच्या वातावरण दिसत आहे. हे कर्नाटक निकालवरून दिसून आलं."

"आपल्या राज्यात काय परिस्थिती आहे. जमिनीवरील वस्तुस्थिती काय आहे. मतदारसंघातील लोकांचे देखील म्हणणे काय आहे? तेथील प्रश्न काय आहेत? याचा शोध घेणे सुरू आहे. आज रत्नागिरी-सिंधुदुर्ग, ठाणे, धुळे, नंदुरबार या चार लोकसभा मतदारसंघातील परिस्थितीवर चर्चा सकाळपासून सुरू झाली आहे”, अशी माहिती अशोक चव्हाण यांनी दिली.

“दोन दिवासातील चर्चांवर काय चित्र आहे, याचा अंदाज हळूहळू समोर येत आहे. राज्यातील राजकीय परिस्थितीबाबत पक्षाचे कार्यकर्ते, नेत्यांच्या माध्यमांतून दोन दिवस माहिती घेण्यात येणार आहे. लोकसभा निवडणुकीत देशपातळीवर विषय असतात, तर अनेकदा स्थानिक पातळींवरचे प्रश्न ही महत्त्वाचे ठरतात, लोकल फॉर व्होकल हा पॅटर्न अनुभवला, असे ही अशोक चव्हाण म्हणाले.