Ambarnath Politics : एकनाथ शिंदेंना बालेकिल्ल्यातच अडवण्यासाठी भाजपची 'फिल्डिंग'; निवडणूक जाहीर होताच स्वबळाचा नारा!

Ambarnath BJP News : मुख्यमंत्री एकनाथ शिंदे यांच्या प्रभावक्षेत्रात मोडणाऱ्या कल्याण लोकसभा मतदारसंघात आता भाजपनेच निवडणुकीचे रणशिंग फुंकले आहे. विशेष म्हणजे, या मतदारसंघातील अंबरनाथ नगरपरिषदेवर आतापर्यंत शिवसेनेचा भगवा फडकत आला होता. मात्र, आगामी निवडणुकीत स्वबळावर लढण्याचा नारा देत भाजपने आता शिंदेंच्या बालेकिल्ल्यात त्यांना आव्हान देण्याची तयारी केली आहे.

अंबरनाथ नगरपालिका ही गेल्या दोन दशकांपासून शिवसेनेच्या ताब्यात राहिली आहे. अनेक कार्यकाळांत नगराध्यक्षपदी शिवसेनेचा उमेदवार विजय होत आला. खासदार डॉ. श्रीकांत शिंदे यांनी येथे संघटनात्मक बांधणी मजबूत केली असून, स्थानिक स्तरावर त्यांचा प्रभाव ठळक आहे. मात्र, गेल्या काही महिन्यांपासून भाजपने अंबरनाथमध्ये संघटनात्मक बांधणी मजबूत केली आहे.

भाजपने वारंवार कार्यकर्ता मेळावे घेत, संघटन बांधणी मजबूत करत आता नगरपालिकेवर कमळ फुलणार, अशी घोषणा शिंदेंना त्यांच्या बालेकिल्ल्यात आव्हान उभे केले आहे. विशेष म्हणजे भाजपने नगराध्यक्षपदासाठी तेजश्री विश्वजीत करंजुले यांचे नाव जवळपास निश्चित झाले आहे.

स्वबळार लढण्यास भाजप ठाम

भाजप जिल्हाध्यक्ष नंदू परब यांनी मेळाव्यात अंबरनाथ नगरपालिकेवर एक लाख टक्के कमळच फुलणार, असा आत्मविश्वास व्यक्त केला. भाजपने अंबरनाथमध्ये एकनाथ शिंदेंच्या शिवसेनेसोबत युती न करता स्वबळावर निवडणूक लढवण्याचा निर्णय घेतला आहे. हा निर्णय ठाणे जिल्ह्यातील भविष्यातील राजकीय समीकरणांचा संकेत देत असल्याची चर्चा आहे.

शिवसेनेला सुरुंग लावण्याची तयारी...

अंबरनाथमध्ये शिवसेना मजबूत आहे. मात्र, अनेक कार्यकर्ते, पदाधिकारी अजुनही संधीच्या शोधात आहे. जुने शिवसैनिकांमध्ये नाराजी आहे. त्याचा फायदा घेण्याची रणनीती भाजपकडून सुरू असून शिवसेनेचे कार्यकर्ते, माजी नगरसेवकांना भाजप प्रवेश देत शिवसेनेच्या बालेकिल्ल्यात सुरूंग लावण्याची तयारी भाजप करत असल्याची चर्चा आहे.