Supriya Sule News : बारामतीला आणखी एक 'लाल दिवा' मिळाे, सुप्रिया सुळेंना मंत्रिपदाच्या शुभेच्छा; भाजप आमदाराचे सूचक...

Mumbai News : राष्ट्रवादी काँग्रेसचे अध्यक्ष शरद पवार यांच्या ताज्या विधानामुळे पुन्हा एकदा राजकीय वर्तुळ ढवळून निघाले आहे. उपमुख्यमंत्री अजित पवार हे आमचेच नेते आहेत, पक्षामध्ये कसलीही फूट पडलेली नाही, असे मोठे विधान शरद पवार यांनी केल्याने राजकीय चर्चेला फोडणी मिळाली आहे. त्यामुळे राजकीय गोंधळ वाढत आहे. (Latest Marathi News)

शरद पवार यांच्या या वक्तव्यानंतर आता भाजप आमदार नितेश राणे यांनी आता सुप्रिया सुळे यांच्यासंदर्भाने मोठे वक्तव्य केले आहे. बारामतीला अजून एक लाल दिवा मिळो, अशी मी प्रार्थना करतो," सुप्रिया सुळे यांना केंद्रीय मंत्रीपदाच्या नितेश राणेंकडुन शुभेच्छाही देण्यात आल्या आहेत.

सुप्रिया सुळे यांचं वक्तव्य-

राष्ट्रवादी काँग्रेसमध्ये फूट पडलेली नाही, आमच्यातील काही लोकांनी वेगळी भूमिका घेतली असली तरी आमचा पक्ष एकच आहे. अजित पवार हे आमच्याच पक्षाचे नेते आहेत," असा दावाही खासदार सुळे यांनी केला होता. सुळेंच्या वक्तव्याला आज शरद पवारांनी दुजोरा दिला आहे.