Vishakha Raut: विशाखा राऊतांना हायकोर्टाचा दणका! जात पडताळणी समितीच्या निर्णयाविरोधातील याचिका फेटाळळी; नगरसेवकपद रद्द होणार का?

Vishakha Raut: मुंबई महापालिकेच्या माजी महापौर आणि ठाकरेंच्या सेनेच्या नगरसेविका विशाखा राऊत यांची याचिका मुंबई हायकोर्टांन फेटाळून लावली आहे. त्यामुळं त्यांच्या डोक्यावर नगरसेवकपद रद्द होण्याची टांगती तलवार कायम आहे.

विशाखा राऊत या माजी महापौर आहेत तसंच तत्पूर्वीही त्या नगरसेविका होत्या. पण या सर्व निवडणुका त्यांनी खुल्या गटातून लढवल्या होत्या. पण यावेळची निवडणूक त्यांनी राखीव जागेवरुन अर्थात ओबीसी प्रमाणपत्रावर लढवली होती. हे प्रमाणपत्र काढताना आपण वडील, आजोबा आणि पणजोबांच्या ओबीसी प्रमाणपत्र दिलं असल्याचा दावा विशाखा राऊत यांनी केला होता. पण पालघरच्या जात पडताळणी समितीनं त्यांचं जात प्रमाणपत्र रद्द ठरवलं आहे.

त्यामुळं जात पडताळणी समितीच्या या निर्णयाविरोधात विशाखा राऊत यांनी मुंबई हायकोर्टात धाव घेतली होती. पण हायकोर्टानं त्यांची याचिका फेटाळून लावली आहे. त्यामुळं त्यांच्याकडं आता सुप्रीम कोर्टात जाण्याचा शेवटचा पर्याय शिल्लक आहे. जर सुप्रीम कोर्टानंही हायकोर्टाचा निर्णय कायम ठेवला तर मात्र महापौर रितू तावडे यांच्या अध्यक्षतेखाली समितीची बैठक होऊन त्यात विशाखा राऊत यांचं नगरसेवकपद रद्द केलं जाऊ शकतं.

त्यामुळं आता विशाखा राऊत पुढचं पाऊल काय टाकतात आणि महापौर त्यांच्या नगरसेवकाबाबत काय निर्णय घेतात याकडं सर्वांचं लक्ष लागून राहिलं आहे.