राणे कुटुंबियांच्या गाडीचा अपघात...

मुंबई : भारतीय जनता पक्षाचे नेते आणि केंद्रीय मंत्री नारायण राणे (Narayan Rane) यांच्या कुटुंबियांच्या गाडीचा अपघात झाला आहे. आमदार नितेश राणे (Nitesh Rane) यांच्या पत्नीच्या गाडीचा मुंबई-पुणे एक्स्प्रेसवर अपघात झाला असून या अपघातामध्ये वाहनांचे थोडेफार नुकसान झाले आहे. मात्र राणे कुटुंबियांसह सर्वजण सुखरुप आहेत. या मार्गावर सोमवारी (ता.५ ऑगस्ट) रात्री हा अपघात झाला. या घटनेनंतर नितेश यांच्या पत्नी आणि मुलगा पुण्यात पोचले आहेत. (Narayan Rane Family Car Accident News)

राणे यांच्या पत्नी आणि मुलगा सोमवारी सायंकाळी मुंबईतून पुण्याकडे निघाले. त्यादरम्यान टोल नाक्यावर त्यांच्या वाहनाला (कारला) पाठीमागून ट्रकने धडक दिली. त्यामुळे खळबळ उडाली. ट्रकचालकाला पोलिसांनी ताब्यात घेतले असून, पुढील तपास करण्यात येत आहे. यासंदर्भात नितेश यांनी 'सरकारनामा'शी संवाद साधला. ते म्हणाले की, "कुटुंबिय पुण्याला जात होते. मार्गावर एका ट्रकची धडक बसली. मात्र, कोणालाही दुखापत झालेली नाही. कुटुंबिय पुण्यातील घरी पोचले आहेत.