Mumbai, 17 July : विधीमंडळाच्या आवारात राष्ट्रवादी काँग्रेस शरदचंद्र पवार पक्षाचे आमदार जितेंद्र आव्हाड आणि भाजप आमदार गोपीचंद पडळकर यांच्या कार्यकर्त्यांमध्ये तुंबळ हाणामारी झाली. विधीमंडळाच्या आवारात घडलेल्या अभूतपूर्व प्रसंगामुळे राज्यात एकच खळबळ उडाली आहे. या हाणामारीप्रकरणी मुख्यमंत्री देवेंद्र फडणवीस यांनी कठोर भूमिका घेतली असून संबंधितांवर कडक कारवाई करण्यात यावी, अशी विनंती त्यांनी विधानसभा अध्यक्ष आणि विधान परिषदेचे सभापती यांना केली आहे.
दरम्यान, जयंत पाटील आणि जितेंद्र आव्हाड यांनी मुख्यमंत्री देवेंद्र फडणवीस यांची भेट घेतली. त्याचवेळी जयंत पाटील यांनी महसूल मंत्री चंद्रशेखर बावनकुळे यांच्याशी चर्चा केली. त्यानंतर आमदार गोपीचंद पडळकर यांना तातडीने विधानभवनात बोलाविण्यात आले आहे. आता यावर काय निर्णय होतो आहे, हे पाहावे लागणार आहे.
मुख्यमंत्री देवेंद्र फडणवीस म्हणाले, विधीमंडळाच्या आवारात घडलेली घटना अतिशय चुकीची आहे. अशी घटना घडणे, विधीमंडळाच्या आवारात घडणे योग्य नाही. विधानसभेचे अध्यक्ष आणि विधान परिषदेचे सभापती यांनी या प्रकरणाची गंभीर दखल घ्यावी आणि संबंधितांवर कडक कारवाई करण्यात यावी, अशी विनंती मी त्यांना केली आहे.
इतक्या मोठ्या प्रमाणात लोक विधीमंडळाच्या आवारात जमा होतात आणि मारामारी करतात, हे विधानसभेला शोभणारे नाही. म्हणून संबंधितांवर कारवाई झाली पाहिजे, अशी प्रतिक्रिया मुख्यमंत्री देवेंद्र फडणवीस यांनी विधीमंडळाच्या आवारातील हाणामारीवर दिली आहे.
....तर कशाला राहायचं आमदार? : जितेंद्र आव्हाड
विधानसभेत भाषण करून बाहेर आलो, मोकळी हवा घेण्यासाठी बाहेर उभा होता. ते मलाच मारण्यासाठी आले होते. विधानसभेत विधीमंडळाच्या पायऱ्यांवर आमदार सुरक्षित नसतील तर कशाला राहायचं आमदार? काय गुन्हा आमचा? कुठंतरी मवाल्यासारखं फिरतो, आमच्या आई बहिणीवरून शिव्या देतो. सत्तेचा एवढा माज? असे सवाल आमदार जितेंद्र आव्हाड यांनी हाणमारीच्या घटनेवर उपस्थित केले आहेत.
ज्यांनी पास दिले, त्यांच्यावर कारवाई करा : उद्धव ठाकरे
विधीमंडळाच्या आवारात हाणामारी करणारे समर्थक आहेत की गुंड? ही परिस्थिती राज्यावर आली असेल तर विधानभवनाला अर्थ काय? ज्यांनी त्यांना पास दिले, त्यांच्यावर कारवाई झाली पाहिजे. तो कोणीही असली तरी ज्यांनी त्यांना पास दिले, त्याचे नाव समोर आले पाहिजे. कारण हा अधिकार अध्यक्षांचा असतो. त्यांचीही दिशाभूल केला का हाही प्रश्न आहे. अशी हाणामारी आणि आमदारांना धक्काबुक्की ही गुंडागर्दी विधानभवानपर्यंत पोचली असेल तर हे फार अवघड आहे, अशी प्रतिक्रिया माजी मुख्यमंत्री उद्धव ठाकरे यांनी विधीमंडळातील हाणामारीवर दिली.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.