Mumbai News: महाराष्ट्रात महायुतीत पुन्हा एकदा सत्तेत आलेल्या मुख्यमंत्री देवेंद्र फडणवीस सरकारमध्ये प्रशासकीय अधिकाऱ्यांच्या बदल्यांचा धडाका सुरूच ठेवला आहे.राज्य सरकारकडून मंगळवारी (ता.18) पुन्हा 9 आयएएस (IAS) अधिकाऱ्यांच्या बदल्यांचे आदेश जारी करण्यात आले आहेत. यामध्ये कोकण विभागीय आयुक्त राजेश देशमुख यांची राज्य उत्पादन शुल्क आयुक्त पदावर नियुक्ती करण्यात आली आहे.विशेष म्हणजे देशमुख यांच्याकडे उपमुख्यमंत्री अजित पवारांच्या कार्यालय सचिव पदाची जबाबदारीही सोपवण्यात आली आहे.
राज्य सरकारकडून मागील आठवड्यात एकूण 13 वरिष्ठ आयएएस अधिकाऱ्यांच्या बदल्यांचे आदेश काढण्यात आले होते.त्यानंतर आता पुन्हा 9 अधिकाऱ्यांच्या बदल्या करण्यात आल्या आहेत. राज्यात देवेंद्र फडणवीसांच्या (Devendra Fadnavis) नेतृत्वाखाली महायुतीचं सरकार सत्तेत आल्यापासून प्रशासनात मोठ्या प्रमाणात बदल्यांचा धडाकाच लावल्याचे दिसून येत आहे.
उपमुख्यमंत्री अजित पवारांचे गुडबुकमधले अधिकारी म्हणून राजेश देशमुख यांच्याकडे पाहिले जाते. आता देशमुख यांची कोकण विभागीय आयुक्त पदावरुन राज्य उत्पादन शुल्क आयुक्त पदावर बदली झाली आहे. उपमुख्यमंत्री अजित पवारांच्या कार्यालयाच्या सचिवपदाचा अतिरिक्त कार्यभारही त्यांच्याकडे असणार आहे. दुसरीकडे राज्य उत्पादन शुल्कचे आयुक्त विजय सूर्यवंशी यांची बदली कोकण विभागाचे विभागीय आयुक्तपदाची जबाबदारी सोपवण्यात आली आहे.
डॉ.राजेश देशमुख हे भारतीय प्रशासकीय सेवेतील कार्यक्षम अधिकारी म्हणून ओळखले जातात. सातारा जिल्हा परिषदेचे मुख्य कार्यकारी अधिकारी, यवतमाळचे जिल्हाधिकारी म्हणून त्यांची कारकीर्द उत्कृष्ट राहिली आहे. डॉ.राजेश देशमुख यांची क्षमता लक्षात घेऊनच पालकमंत्री अजित पवार यांनी जिल्ह्यातील कोरोनोचं वाढतं आव्हान पेलण्यासाठी त्यांची जिल्हाधिकारीपदी निवड केली होती. आता त्यांना राज्य उत्पादन शुल्क विभागाचं आयुक्तपदावर बढती दिली आहे.
नयना गुंडे नाशिकच्या आदिवासी विकास आयुक्तपदावरुन त्यांची पुणे येथे महिला व बाल आयुक्तपदावर बदली करण्यात आली आहे.राज्य प्रकल्प समग्र शिक्षा अभियानाचे संचालक असलेल्या विमला आर यांची नवी दिल्ली येथील महाराष्ट्र सदनच्या निवासी आयुक्त आणि सचिव पदावर नियुक्ती करण्यात आली आहे.
अहिल्यानगरचे जिल्हाधिकारी सिद्धराम सालीमठ यांची पुण्यात साखर आयुक्त नियुक्ती करण्यात आली आहे.भंडारा जिल्हा परिषदेच्या मुख्य कार्यकारी अधिकारीपदी मिलिंदकुमार साळवे यांची नियुक्ती करण्यात आली आहे. धाराशिवचे जिल्हाधिकारी डॉ.सचिन ओंबासे यांची सोलापूर महानगरपालिकेचे आयुक्त म्हणून नियुक्ती करण्यात आली आहे.लीना बनसोड महाराष्ट्र राज्य सहकारी आदिवासी विकास महामंडळाचे व्यवस्थापकीय संचालक पदावरुन नाशिक येथील आदिवासी विकासाच्या पदावर आयुक्त नियुक्ती करण्यात आली आहे.
आयएएस अधिकारी राहुल कुमार मीना यांची लातूर जिल्हा परिषदेचे मुख्य कार्यकारी अधिकारी, म्हणून नियुक्ती करण्यात आली आहे.तर डॉ.राज्य उत्पादन शुल्कचे आयुक्त विजय सूर्यवंशी यांची कोकण विभागीय आयुक्त म्हणून नियुक्ती करण्यात आली आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.