BMC Election : मुंबई महापालिका निवडणुकीत एकनाथ शिंदेंनी मोठी ताकद लावली आहे. 90 जागांवर शिवसेना लढत असून तब्बल 35 जणांनी बंडखोरी केल्याने पक्षाची डोकेदुखी वाढली आहे. त्यातच आता मुलाला तिकीट न मिळाल्याने शिंदेचे मागाठाणेचे शिंदेसेनेचे आमदार प्रकाश सुर्वे नॉट रिचेबल असल्याची चर्चा आहे.
मुलाला तिकीट नाकारल्याने प्रकाश सुर्वे हे महायुतीच्या प्रचारासापासून देखील लांब आहेत. त्यामुळे उपमुख्यमंत्री एकनाथ शिंदे हे संतापले असून सुर्वे यांच्यावर कारवाई होण्याची शक्यता आहे.
ऐन निवडणुकीच्या काळात नाॅट रिजेबल राहून सुर्वे यांनी आपली नाराजी व्यक्त केल्याने त्यांच्यावर पक्षशिस्तीचा भंग केल्याप्रकरणी कारवाई होण्याची शक्यता वर्तवली जात आहे. दरम्यान, आज उमेदवारी अर्ज मागे घेण्याचा शेवटचा दिवस असल्याने शिवसेनेतील बंडखोरांना थांबण्यासाठी प्रयत्न करण्यात येत आहेत.
एकनाथ शिंदेंनी सुर्वेंच्या मुलाला तिकीट नाकारले असले तरी त्यांच्या पक्षावर घराणेशाहीचा आरोप होत आहे. माजी आमदार सदा सरवणक यांच्या घरात दोन तिकीटे देण्यात आली असून त्यांचा मुलगा आणि मुलगी निवडणुकीच्या रिंगणात आहेत. तर, आमदार दिलीप लांडे यांची पत्नी, आमदार मंगेश कुडाळकर यांचा मुलगा तसेच माजी खासदार राहुल शेवाळे यांची पत्नीला शिंदेंच्या सेनेकडून तिकीट देण्यात आले आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.