Abhijit Bichukale News : उमेदवारी अर्ज भरताना हवा करणारे अभिजित बिचुकले प्रचारातून गायब

Lok Sabha 2024 : कल्याण लोकसभा निवडणुकीत ठाकरे गटाच्या वैशाली दरेकर आणि शिंदे गटाचे श्रीकांत शिंदे यांच्यामध्ये सरळ लढत होत आहे. मात्र, या मतदारसंघातून मोठा गाजावाजा करत बिग बाॅस फेम अभिजित बिचुकले यांना उमेदवारी अर्ज दाखल केला होता. अर्ज दाखल करताच येथील राजकीय फोडणीला तेलाची धार द्यायला आपण आलो आहोत, अशी गर्जना बिचुकले यांनी केली होती. मात्र, कल्याण लोकसभेचा kalyan Lok Sabha प्रचार संपायला दोन दिवस शिल्लक असतानाही बिचुकले कुठे प्रचारात दिसलेच नाहीत.

अभिजित बिचुकले Abhijit Bichukale यांनी सातारा लोकसभा मतदारसंघातून आपला उमेदवारी अर्ज दाखल केला होता. त्यामुळे सातारा लोकसभेच्या निवडणुकीनंतर बिचुकले कल्याणमध्ये kalyan Lok Sabha प्रचारात सक्रिय होतील, अशी शक्यता होती. मात्र, उमेदवार अर्ज दाखल केल्यानंतर गायब झालेले बिचुकले कोणालाच दिसले नाही. त्यांच्याशी संपर्क साधला असता मी डोंबिवली मध्येच आहे असे त्यांनी सांगितले. तसेच भेटून तुम्हाला माझा जाहीरनामा सांगतो असे देखील ते म्हणाले.

(राजकारणातील महत्त्वाच्या बातम्यांचे अपडेट्ससाठी सरकारनामाचे अधिकृत WhatsApp चॅनल फॉलो करा!)

फोडणी बसलीच नाही

कल्याणमध्ये शिंदे गट विरुद्ध ठाकरे गट ही चुरशीची लढाई होत आहे. या लढाईत अपक्ष उमेदवार अभिजित बिचुकले यांच्या एंट्रीनंतर ही निवडणुकीत बिचकुले प्रचारात काय बोलणार याची चर्चा होती. मात्र, आपल्या उलटसुलट वक्तव्यांनी चर्चेत असलेले बिचुकले कल्याणमध्ये मतदारांना दिसलेच नसल्याची चर्चा आहे. त्यामुळे राजकीय फोडणी देण्यासाठी आलो असल्याचे सांगण्याऱ्या बिचुकलेंची फोडणी बसलीच नसल्याचे सांगितले जात आहे.

ठाण मांडूण बसणार

सातारा लोकसभा निवडणुकीतही अभिजित बिचुकले उमेदवार होते. तिसऱ्या टप्प्यात येथील निवडणूक झाली. अभिजित बिचुकले म्हणाले होती की सातारा येथील कामगिरी पार पडल्यानंतर पुढील 13 दिवस मी येथेच ठाण मांडून बसणार आहे. ते डोंबिवली दाखल पण झाले पण कधी, कुठे ते ठाण मांडून बसले आहेत ते ही कोणाला माहीत नाही.

(Edited By Roshan More)