Lok Sabha Election 2024 :मुख्यमंत्र्यांच्या ठाण्यात खासदार होण्यासाठी शर्यत!

लोकसभा निवडणूक ( Lok Sabha Election 2024 ) जाहीर झाल्यानंतर महाराष्ट्रात राजकारण तापू लागलं आहे. महायुती आणि महाविकास आघाडीमध्ये बंडखोरीची परिस्थिती आहे. महायुतीत शिवसेना शिंदे गटाचे अलबेल आहे, असे काही नाही. भाजपकडून शिवसेनेच्या चार जागांवर दावा ठोकला आहे. यात ठाणे, शिर्डी, दक्षिण मुंबई आणि नाशिकच्या जागेचा समावेश आहे.

भाजपच्या या दाव्यावर शिवसेना नेते मुख्यमंत्री एकनाथ शिंदे ( Eknath Shinde ) चांगलेच आक्रमक झाले आहेत. प्रत्येक जागेवर ताकदीचा उमेदवार देण्यासाठी मुख्यमंत्री शिंदे स्वतः लक्ष घालून आहेत. मुख्यमंत्री एकनाथ शिंदे यांचा बालेकिल्ला असलेल्या ठाण्याच्या जागेवर भाजपने दावा सांगितल्याने, ते काहीसे नाराज आहेत. येथे तगडा उमेदवार देण्याची तयारी शिवसेना शिंदे गटातून सुरू आहे.

(राजकारणातील महत्त्वाच्या बातम्यांचे अपडेट्ससाठी सरकारनामाचे अधिकृत WhatsApp चॅनल फॉलो करा!)

ठाण्यात शिवसेनेचे खासदार राजन विचारे ( Rajan Vichare ) आहेत. ते ठाकरे गटासोबत आहेत. राजन विचारे यांच्यासमोर शिवसेना शिंदे गटाकडून विनिंग उमेदवाराचा शोध सुरू आहे. भाजपकडून माजी खासदार संजीव नाईक, शिंदे गटाचे आमदार प्रताप सरनाईक, रवींद्र फाटक, माजी महापौर नरेश मस्के यांची नावे चर्चेत आहेत. मुख्यमंत्री एकनाथ शिंदे ( Eknath Shinde ) यांचे निकटवर्तीय असलेल्या एका अधिकाऱ्यांचे नावही चर्चेत आहे.

ठाण्यात आज घडीला शिवसेना उद्धव बाळासाहेब ठाकरेंचे कट्टर, निष्ठावंत राजन विचारेंना तिकीट दिले आहे. दुसरीकडे शिंदेंच्या अर्थात, महायुतीत अद्याप कोणाचेही नाव निश्चित झालेले नाही. त्यामुळे डॉ. गेठेंनी फिल्डिंग लावल्याचे सांगण्यात येत आहे.

गेल्या लोकसभेच्या निवडणुकीत शिवसेना-भाजप युती होती, तर प्रतिस्पर्धी उमेदवार काँग्रेस-राष्ट्रवादी असा सामना रंगला होता. शिवसेना आणि भाजप पक्षाने निवडणुकीत विद्यमान खासदार राजन विचारे यांच्या समोर राष्ट्रवादीचे उमेदवार संजीव गणेश नाईक होते.

गेल्या निवडणुकीत मतदान किती?

एकूण मतदान - 20,73,251

मतदान करणाऱ्यांची संख्या - 10,54,189

राजन विचारे पडलेली मते - 5,95,364

राष्ट्रवादीचे उमेदवार संजीव नाईक पडलेली मते - 3,14,065

विचारेंनी नाईकांचा 2,81,299 मतांनी पराभव केला. 

R