Maharashtra Politics: महायुतीत खलबतं; मंत्रिपदाची आस लावून बसलेल्या नेत्यांची महामंडाळावर वर्णी ?

Maharashtra Politics Appointment on MIDC CIDCO MHADA: ज्यांना मंत्रिमंडळात स्थान मिळणार नाहीत त्यांना महामंडळ देऊन त्यांची नाराजी दूर केली केली जाणार आहे. येत्या काही दिवसात ही नावे जाहीर होतील.

Maharashtra Politics news Sarkarnama

Published on:

11 Aug 2024, 1:41 pm IST

Updated on:

11 Aug 2024, 1:41 pm IST

लोकसभा निवडणुकीनंतर राज्यात मंत्रिमंडळाचा विस्तार होईल, अशी चर्चा होती, पण आता विधानसभा तोंडावर आली आहे, तरी मंत्रिमंडळ विस्तार झालेला नाही. अद्यापही मंत्रिपदाची माळ गळ्यात न पडलेल्या, मंत्रिपदासाठी इच्छुक असलेल्या नेत्यांची महामंडळावर वर्णी लागणार असल्याची माहिती आहे. त्यासाठी महायुतीतील वरिष्ठ नेते यादी तयार करीत आहेत. येत्या काही दिवसात ही नावे जाहीर होतील.

विधानसभा निवडणुकीनंतर कुठलेही सरकार आले तरी आता नियुक्त केलेले नेतेचं महामंडळावर राहतील, अशीही माहिती आहे. राज्यपाल नियुक्त 12 आमदारांची निवडही प्रलंबित आहे. त्याचाही निर्णय होणार असल्याची माहिती आहे. ज्यांना मंत्रिमंडळात स्थान मिळणार नाहीत त्यांना महामंडळ देऊन त्यांची नाराजी दूर केली केली जाणार आहे.

महायुतीमधील तीनही पक्षांकडून याबाबतच्या हालचाली सुरु आहेत. महामंडळावर नियुक्ती करण्यासाठी नेत्यांच्या नावांची यादी बनवण्याचे काम सुरु आहे. येत्या १७ ऑगस्टपर्यंत ही नावे निश्चित होतील, अशी माहिती आहे. प्रदेशाध्यक्ष चंद्रशेखर बावनकुळे यांच्या नेतृत्वाखाली आमदार प्रसाद लाड हे ही यादी करीत आहेत. त्यानंतर महायुतीच्या बैठकीत नावावर शिक्कामोर्तब होईल.

MNS News: विधानसभेपूर्वीच मनसेच्या माजी उपविभाग प्रमुखासह पदाधिकाऱ्यांनी हाती घेतली 'तुतारी'

जून 2022 मध्ये शिंदे-फडणवीस सरकार सत्तेत आले. तेव्हापासून महामंडळे, विविध समित्यांवरील नेमणुका झालेल्या नाहीत. मंत्रिपदासाठी इच्छुक असलेले राम शिंदे, देवयानी फरांदे, संजय कुटे, आशिष शेलार, भरत गोगावले, संजय शिरसाठ, बच्चू कडू, माणिकराव कोकाटे यांची महामंडळावर वर्णी लागेल, अशी राजकीय वर्तुळात चर्चा आहे.