Kalyan News, 26 Dec : कल्याणमध्ये (Kalyan) अल्पवयीन मुलीवरील अत्याचार आणि हत्येच्या घटनेने कल्याणसह महाराष्ट्र हादरला आहे. आरोपीने मुलीवर अत्याचार करत तिची हत्या केली आणि मृतदेह कल्याण जवळील बापगाव परिसरात फेकून दिला होता.
धक्कादायक बाब म्हणजे या मृतदेहाची विल्हेवाट लावण्यासाठी आरोपीला त्याच्या पत्नीने देखील मदत केली. तर आता या प्रकरणाचा पोलिसांनी (Police) उलगडा करत आरोपी विशाल गवळीला बुलडाण्याच्या शेगावमधून अटक केली आहे.
तर विशालच्या पत्नीलाही पोलिसांनी अटक केली आहे. अशातच आता आरोपी विशाल गवळी (Vishal Gawli) संदर्भात एक धक्कादायक माहिती समोर आली आहे. ती म्हणजे गवळीकडे मानसिक रुग्ण असल्याचा दाखला (Mental patient certificate) असून यापूर्वी त्याने या दाखल्याचा वापर करून दोन वेळा जामीन मिळवला आहे.
त्यामुळे गवळीला हा दाखला कसा मिळाला आणि कोणी दिला? याबाबतचा तपास पोलिस करत आहेत. शिवाय आणखी 4 ते 5 आरोपींनी अशाच प्रकारचा दाखला मिळवल्याची धक्कादायक बाब उघडकी आली आहे. दरम्यान, कल्याणमधील (Kalyan) लैंगिक अत्याचार प्रकरणी आरोपी विशाल गवळी आणि त्याची पत्नी साक्षी या दोघांना अटक करण्यात आली.
आज या दोघांना कल्याण न्यायालयात (Court) हजर करण्यात आलं होतं. यावेळी न्यायालयाने त्यांना 2 जानेवारीपर्यंत पोलिस कोठडी सुनावली आहे. आरोपींनी गुन्हा करताना कोणत्या वस्तू वापरल्या, मुलीवर कुठे अत्याचार केला तसंच या पती-पत्नीविरोधात यापीर्वी काही गुन्हे दाखल आहेत का? याबाबतचा तपास करण्यासाठी पोलिसांनी कोर्टाकडे त्यांच्या कोठडीची मागणी केली.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.