Mahayuti Guardian Minister Allotment : खाते वाटपात कमी-जास्त झालं, आता पालकमंत्री पदांचे वाटप कसं होणार? मंत्री बावनकुळेंनी थेट सांगून टाकलं

Mumbai News : नागपूर अधिवेशनानंतर महायुती सरकारच्या मंत्रिमंडळाचे खातेवाटप झाले. आता पालकमंत्री पदांचे वाटप कसे होणार, याकडे लक्ष लागले आहे. उपमुख्यमंत्री एकनाथ शिंदे यांच्या शिवसेनेतील मंत्र्यांमध्ये पालकमंत्री पदासाठी इच्छुक असलेल्यांची संख्या सर्वाधिक आहे. त्यामुळे महायुतीमधील भाजपची डोकेदुखी वाढली आहे.

भाजप प्रदेशाध्यक्ष तथा मंत्री चंद्रशेखर बावनकुळे यांनी खाते वाटप कसे झाले? अन् पालकमंत्री पदाचे कसे वाटप होणार? यावर प्रतिक्रिया दिली.

मंत्री चंद्रशेखर बावनकुळे यांनी महायुती (Mahayuti) सरकारच्या मंत्रिमंडळाच्या वाटपावर भाष्य करताना मुख्यमंत्री देवेंद्र फडणवीस यांनी समतोल साधण्याचा प्रयत्न केला. यात त्यांनी सुलभीकरण साधण्याचा प्रयत्न केला. पण एक गोष्ट करी आहे की, खाते बऱ्या-जास्त करावे लागले, असे चंद्रशेखर बावनकुळे यांनी सांगितले.

राज्यात महायुती सरकारमध्ये भाजपकडे 16 खाते आले आहेत. मुख्यमंत्री देवेंद्र फडणवीस (Devendra Fadnavis) यांनी एका विभागाला दोन मंत्री येतील याची दक्षता घेतल्याचे दिसते. जलसंपदा विभागाचे उत्तर आणि पश्चिम महाराष्ट्र या दोन्ही भाग केले. सुलभीकरणाबरोबरच खात्यांमध्ये सारखे वाटप झाले. काही खात्यांमध्ये कमी-जास्त करावे लागले. त्यामुळे काही खात्यांचे विभाजन दिसते आहे, असे चंद्रशेखर बावनकुळे यांनी सांगितले.

राज्यातील बारा जिल्ह्यांमध्ये मंत्री नाहीत, या प्रश्नावर चंद्रशेखर बावनकुळे यांनी महायुतीच्या सरकारमध्ये हे दिसू शकते, असे सांगितले. खाते वाटपाचा महायुतीमधील तिन्ही पक्षांसमोर प्रश्न होते. तरी देखील खाते वाटप योग्य पद्धतीने पार पाडल्याचे चंद्रशेखर बावनकुळे यांनी सांगितले.

पालकमंत्री पदांचे असे वाटप होणार

"पालकमंत्री पदाच्या वाटपात कोणताही वाद होणार नाही, यासाठी मुख्यमंत्री देवेंद्र फडणवीस, उपमुख्यमंत्री एकनाथ शिंदे, उपमुख्यमंत्री अजित पवार आम्ही सर्व एकत्र बसू निर्णय घेतील. या पदांवरून कोणताही वाद होणार नाही, याची आम्ही काळजी घेऊ. उत्कृष्ट पद्धतीने पालकमंत्री पदांचे वाटप झालेले दिसेल", असे चंद्रशेखर बावनकुळे यांनी सांगितले.