Prataprao Jadhav : शिंदे गटातील खासदारावर मोदींनी सोपवली मोठी जबाबदारी

बुलडाणा :शिंदे गटातील बुलढाणा मतदारसंघाचे खासदार प्रतापराव जाधव (Mp Prataprao Jadhav) यांनी शंभर खोके मातोश्री ओके म्हणत माजी मुख्यमंत्री आणि शिवसेना पक्षप्रमुख उद्धव ठाकरे (Uddhav Thackeray) यांच्यावर दोन दिवसापूर्वी गंभीर आरोप केला आहे.

त्याच्या या विधानामुळे जाधव हे सध्या चर्चेत आहेत. प्रतापराव जाधव यांनी थेट ठाकरे यांना टार्गेट करत '100 खोके मातोश्री ok' असं म्हणत राज्यात खळबळ माजवून दिली आहे.

मुख्यमंत्री एकनाथ शिंदे यांचे निकटवर्तीय समजले जाणारे प्रतापराव जाधव यांना आता भाजपकडून दसऱ्याला मोठं गिफ्ट देण्यात आल आहे. जाधव यांची माहिती-तंत्रज्ञान विषयाच्या स्थायी समितीच्या अध्यक्षपदी नियुक्ती करण्यात आली आहे. संसदेच्या स्थायी समितीच्या बदलांमध्ये शिंदे गटाला महत्त्वाचे स्थान मिळाले आहे.

याआधी काँग्रेसचे नेते शशी थरूर यांच्याकडे माहिती-तंत्रज्ञान विषयाच्या स्थायी समितीच्या अध्यक्षपदाचा पदभार होता. मात्र आता मोदी सरकारने शिंदे गटातील बुलडाण्याचे खासदार प्रतापराव जाधव यांच्यावर ही जबाबदारी सोपवली आहे.

शिवसेनेत बंडखोरी करून एकनाथ शिंदे यांनी भाजपसोबत हातमिळवणी केली. केंद्रात भाजपसोबत आल्यानंतर शिंदे गटाला मोदी सरकार पहिलं गिफ्ट दिलं आहे.

आतापर्यंत शिंदे गटातील आमदारांना 50 खोके एकदम ओके, म्हणून हिणवलं जायचं. मात्र आता शिंदे गटात गेलेल्या खासदारांनी थेट मातोश्रीलाच "शंभर खोके एकदम ओके" तेही दर महिन्याला म्हणून आव्हान दिलंय. या विधानानंतर आता राज्यातील राजकारण पुन्हा एकदा तापतय का? याकडे सगळ्यांचं लक्ष लागले आहे.