Mumbai News, 06 Aug : मागील काही दिवसांपासून मुंबईतील कबुतरखान्यावरून वाद सुरु आहे. या वादावर तोडगा काढण्यासाठी मुख्यमंत्री देवेंद्र फडणवीस यांच्या उपस्थितीत मंगळवारी एक बैठक पार पडली.
या बैठकीत कबुतरांच्या खाद्यपुरवठ्यावर निर्बंध आल्यामुळे त्यांच्यावर उपासमारीची वेळ येऊ नये, यासाठी पर्यायी व्यवस्था उपलब्ध होईपर्यंत महापालिकेने नियंत्रित पद्धतीने खाद्यपुरवठा सुरू ठेवावे असे निर्देश दिले.
मुख्यमंत्र्यांच्या या निर्णयानंतर विरोधकांनी आता सरकार जैन समाजाच्या दबावापुढे नमल्याची टीका केली आहे. तर भाजप राजकीय फायद्यासाठी जैन समाजाला खूश करत असल्याचा आरोप ठाकरेंच्या शिवसेनेचे नेते आदित्य ठाकरे यांनी केला आहे.
भाजप नेते मंगलप्रभात लोढा यांनी कबुतरखाने बंद करण्यास तीव्र विरोध केला होता. जैन समाजाती लोकांच्या भावना दुखावल्यामुळे आणि राजकीय फायदा डोळ्यांसमोर ठेवून मुख्यमंत्र्यांनी जैन समाजाची मागणी मान्य केल्याची टीका ठाकरेंची शिवसेना आणि मनसेने केली आहे.
नियंत्रित खाद्य पुरवायला कबुतरे म्हणजे शिंदेंचे आमदार नाहीत. लोढा मुंबईचे पालकमंत्री असूनही कबुतरखान्यांबाबत महापालिकेला पत्र लिहितात हे धक्कादायक असून आम्ही स्थानिकांच्या नागरिकांच्या मताशी सहमत आहोत, असं आदित्य ठाकरेंनी म्हटलं आहे.
तर पुरोगामी महाराष्ट्रात धर्माचे स्तोम कशाला? असा सवाल करत हिंदू धर्मातही पूर्वी सापाला दूध पाजण्याची प्रथा होती. मात्र शास्त्रीयदृष्ट्या ते चुकीचं असल्याचं स्पष्ट झाल्यानंतर ती प्रथा बंद केली.
त्याचप्रमाणे कबुतरांच्या बाबतीत न्यायालयाने दिलेल्या निर्णयाच्या विरोधात जाऊन सरकारने घेतलेली भूमिका घेणे योग्य नसल्याचं मनसे नेते संदीप देशपांडे यांनी म्हटलं आहे. त्यामुळे महापालिका निवडणुकीच्या पार्श्वभूमीवर सर्वच राजकीय पक्षांकडून 'पक्षांचं' राजकारण केलं जातंय का? असा प्रश्न सर्वसामान्य नागरिकांना पडला आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.