सदाभाऊंच्या XXX ला का आग लागली?

मुंबई : माजी मंत्री सदाभाऊ खोत (Sadabhau Khot) यांनी राष्ट्रवादी काँग्रेसचे अध्यक्ष शरद पवार (Sharad Pawar) यांच्या टीका केली होती. पवार साहेब महान नेते आहेत. त्यांनी या राज्यामध्ये काड्या करण्यापलीकडे काही केले नाही. त्यांनी महाराष्ट्रात आग लावण्याचे कार्य केले. त्यामुळे शरद पवारांचे आडनाव बदलून 'आगलावे' करावे, असे खोत म्हणाले होते. त्यावर आता राष्ट्रवादी काँग्रेसने (NCP) खोत यांचा जोरदार समाचार घेतला आहे. (NCP on Sadabhau Khot)

राष्ट्रवादी काँग्रेसचे प्रवक्ते क्लाईड क्रास्टो (Clyde Crasto) यांनी सदाभाऊ खोत यांच्यावर निशाणा साधला. ते म्हणाले, सत्तेपासून उपाशी असलेल्या सदाभाऊ खोतांचे मानसिक संतुलन बिघडले असल्याने ते बरळू लागले. सदाभाऊ खोतांचे 'उपाशी खोत' असंच नामकरण करण्याची गरज आहे. भाजपच्या वळचणीला येऊन सत्तेत मंत्रीपद भोगलेले सदाभाऊ खोत यांना सत्ता गेल्यानंतर काहीच सुचेनासे झाले आहे, असा टोलाही क्लाईड क्रास्टो यांनी लगावला. शरद पवारसाहेब महाविकास आघाडीचे प्रणेते ठरल्यानेच खोत त्यांच्यावर बरळू लागले आहेत. त्यांच्या दु:खात आम्ही सहभागी आहोत. मात्र, त्यांची पवारसाहेबांवर बोलण्याइतपत लायकी नाही. हे पहिले लक्षात ठेवावे, असा स्पष्ट इशाराही क्लाईड क्रास्टो यांनी दिला.

सदाभाऊ खोत यांची आमदारकी जात आहे, त्यामुळे आमदारकी टिकवण्यासाठी त्यांचा हा केविलवाणा प्रयत्न, असल्याचे राष्ट्रवादीचे आमदार अमोल मिटकरी (Amol Mitkari) म्हणाले. महाराष्ट्रात घरा घरात आग लावण्याचे काम भाजप कसे करते, हे अवघ्या देशाला माहित आहे. 'काश्मिर फाईल्स'च्या माध्यमातून दोन धर्मात आग लावण्याचा प्रयत्न केला. सदाभाऊची गत पाण्याविना मासोळी अशी झाली आहे. पवार साहेबांनी काय केले, यापेक्षा सदाभाऊंच्या XXXला का आग लागली? हे शोधणे महत्त्वाचे, अशा शकल्या शब्दांत मिटकरी यांनी खोत यांच्यावर तोफ डागली.

राज्यातील सर्व ऐतिहासिक पुतळ्याचे उद्घाटन पवार साहेबांनी केले. पुण्यश्लोक अहल्यादेवी होळकर (Ahilyadevi Holkar memorial) यांच्या स्मारकाचे उद्घाटन करुन सदाभाऊ यांनी पाप केले. तीन पक्षाचे सरकार आहे. भाजपचे एका पक्षाचे सरकार असतानाही कुजबुज होत होती. आता तानाजी सावंत यांच्या मतदारसंघात काही निधी कमी दिला गेला असेल. म्हणून त्यांनी बोलून दाखवले. एखाद्याच्या बोलण्याने महाविकास आघाडीत गोंधळ आहे, असे होत नाही.