Prakash Ambedkar News : काँग्रेसमधील सुपारीबाज नेते कोण? आंबेडकरांचा निशाणा कुणावर?

Mumbai News : आगामी लोकसभा निवडणुकीच्या अनुषंगाने उमेदवारांची यादी प्रसिद्ध होत असताना, महराष्ट्रात जागावाटपाचा तिढा मात्र अद्यापही सुटता सुटत नाही. एकीकडे जागावाटपावरून महायुतीत खलबतं होत आहेत, महाविकास आघाडीचीही गाडी जागावाटपावरून अडली आहे. आघाडीमध्ये वंचित बहुजन आघाडीला किती जागा द्यायच्या याबाबत आघाडीत बिघाडी असल्याचे चित्र आहे. अशातच आता वंबआचे सर्वेसर्वा प्रकाश आंबेडकर यांनी महाराष्ट्र काँग्रेसमधील काही नेत्यांना सुपारीबाज म्हटल्याने आता आघाडीत आणखीनच बिघाडी होण्याची शक्यता निर्माण झाली आहे. (Latest Marathi News)

एका वृत्तवाहिनीच्या प्रतिनिधीशी संवाद साधताना त्यांनी हा आरोप केला आहे. 'तुम्ही काँग्रेसचे अध्यक्ष मल्लिकार्जुन खर्गे यांना म्हटले आहे की, महाराष्ट्र काँग्रेसमधील जे सुपारीबाज नेते आहेत, त्यांना काढून टाकावं. तुम्ही आरोप केलेले हे काँग्रेसचे सुपारीबाज कोण आहेत? असा प्रश्न प्रकाश आंबेडकर यांना विचारण्यात आला. यावर उत्तर देताना त्यांनी काँग्रेसला इशारा दिला आहे.

(राजकारणातील महत्त्वाच्या बातम्यांचे अपडेट्ससाठी सरकारनामाचे अधिकृत WhatsApp चॅनल फॉलो करा!)

प्रकाश आंबेडकर (Prakash Ambedkar) म्हणाले, "मी हे विधान जाहीरपणे केले आहे. त्यामुळे पुढील तीन-चार दिवसांनंतर मी सांगतो की, महाराष्ट्र काँग्रेसमध्ये कोण-कोण सुपारीबाज नेते आहेत. अशा सुपारीबाजांची नावे घ्यायला आम्ही घाबरत नाही. आमची भूमिका ही रोखठोक आहे. आम्हीही रोखठोक आहोत. जेव्हा मी असं विधान जबाबदारीने करतो, तेव्हा आमची काहीतरी पक्की माहिती असते," अशा शब्दांत त्यांनी काँग्रेसच्या नेत्यांना खुले आव्हान दिले आहे.

आमचं स्टेटस लक्षात आलंय -

आंबेडकर म्हणाले, महाविकास आघाडीची (Mahavika Aghadi) बैठक तुम्ही आम्हाला न सागता रद्द करता. त्यामुळे आम्हाला जे काही समजून घ्यायचं आहे ते आम्ही समजून घेतलं. बैठकीला आम्ही येतो, बैठक रद्द करता तेही सांगत नाही. आमचं स्टेटस आघाडीच्या दृष्टीने काय आहे, हे लक्षात आलंय, असे आंबेडकर म्हणाले.

R