Sachin Ahir News : शिवसेना उद्धव बाळासाहेब ठाकरे पक्षाचे सहा खासदार फुटले. या फुटीनंतर मैदानात उतरलेल्या उद्धव ठाकरेंना आणखी एक मोठा धक्का बसला. त्यांच्या पक्षाचे विधान परिषदेचे आमदार सचिन अहिर यांनी एकनाथ शिंदेंची साथ देत उपसभापतीपदासाठी मंगळवारी उमेदवारी अर्ज दाखल केला.
सचिन अहिर यांनी शिंदेंची साथ दिल्याने वरळी मतदारसंघातील समीकरणे बदलणार असल्याची चर्चा होती. त्यातच एकट्या सचिन अहिर यांनी पक्षांतर केल्याने त्यांच्यावर पक्षांतरबंदी कायद्याअंतर्गत कारवाई करण्यासाठी ठाकरेंची शिवसेनेकडून पावले उचललेली आहेत. दरम्यान, सचिन अहिर यांनी केलेल्या वक्तव्यामुळे नवा ट्विस्ट आला आहे.
ते म्हणाले, 'लक्षात घ्या मी पक्ष सोडलेला नाही. तांत्रिक मुद्यावर आपण नंतर वेगळ्या व्यासपीठावर बोलू.'
'एक गोष्ट नक्की आहे की शिंदेसाहेबांनी उपसभापतीपदाची जबाबदारी माझ्या सारख्या कार्यकर्त्याकडे देणे हा बहुमान आहे. या पदाचा मान ठेवून मी भविष्यात काम करणार आहे.', असे देखील त्यांनी सांगितले.
अहिर यांच्यावर उद्धव ठाकरेंच्या शिवसेनेकडून पक्षांतर बंदी कायद्यानुसार कारवाई करण्यास मोठी अडचण आहे. ते 2022 मध्ये धनुष्यबाण चिन्हावर विजयी झाले होते. मात्र, आता शिवसेना पक्ष आणि चिन्ह हे एकनाथ शिंदेंच्या शिवसेनेकडून आहे. त्यामुळे ते मूळ शिवसेनेत असल्याचा तांत्रिक मुद्दा उपस्थित होत आहे. या पार्श्वभूमीवर त्यांच्यावर कारवाई करण्यात तांत्रिक अडचण येणार असल्याचे सांगितले जात आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.