Canteen assault incident : आमदार निवासातील कॅन्टीनमध्ये टॉवेल, बनियनवर राडा घालणारे आमदार संजय गायकवाड यांच्यावर अद्यापही गुन्हा दाखल न झाल्याने राज्य सरकारच्या भूमिकेबाबत संशय व्यक्त केला जात आहे. आमदार गायकवाड यांनी कॅन्टीनमधील कर्मचाऱ्याला मारहाण केल्याचा ढळढळीत पुरावा असतानाही पोलिस कारवाई करत नसल्याने आश्चर्य व्यक्त केले जात आहे. त्यावर आज मुख्यमंत्री देवेंद्र फडणवीस यांनी मोठं विधान केले आहे.
शिळे जेवण दिल्याने संतापलेल्या आमदार गायकवाड यांनी कॅन्टीनमधील कर्मचाऱ्याला मारहाण केली होती. पण या कर्मचाऱ्याकडून किंवा मालकाकडून पोलिसांकडे याबाबत तक्रार करण्यात आलेली नाही. त्यामुळे पोलिसांनीही याप्रकरणी अद्याप गुन्हा दाखल केलेला नाही. राज्याच्या गृह राज्यमंत्र्यांनीही हेच कारण दिले होते. याबाबत शुक्रवारी फडणवीस यांनी मीडियाशी बोलताना याबाबत तक्रारीची गरज नसल्याचे स्पष्ट केले.
विधानभवनाच्या आवारात मीडियाशी बोलताना फडणवीस म्हणाले, पोलिसांनी चौकशी केलीच पाहिजे. पोलिस चौकशी करतील. कुणी तक्रार करण्याची आवश्यकता नाही. दखलपात्र गुन्हा असेल तर पोलिस योग्य कारवाई करतील. काही दखलपात्र गुन्हे तर काही अदखलपात्र गुन्हे असतात. त्यानुसार या प्रकरणात कारवाई होईल.
फोर्स किती यूझ केलाय, याच्या आधारवर तो गुन्हा ठरतो. पोलिसांना कारवाई करूद्या, योग्य कारवाई करतील, असे फडणवीस म्हणाले आहेत. त्यामुळे आता पोलिस याप्रकरणाची स्वत:हून दखल घेत चौकशी सुरू करण्याचा निर्णय घेऊ शकतात. गायकवाड यांच्यावर गुन्हा दाखल करण्याची मागणी विरोधी पक्षांकडून सातत्याने होत आहे.
विधिमंडळातही गायकवाड यांच्या कृतीचा मुद्दा चांगलाच गाजला होता. विरोधी पक्षातील नेत्यांनी एका लोकप्रतिनिधीला ही न शोभणारी कृती असल्याचे म्हटले होते. मुख्यमंत्री फडणवीस यांच्यासह उपमुख्यमंत्री एकनाथ शिंदेंनीही गायकवाडांना समज दिली आहे. याप्रकरणात कॅन्टीनचा परवाना रद्द करण्यात आला आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.