मुंबई : संजय राठोड यांना पोलिसांनी क्लिनचिट दिलेली आहे. त्यामुळे त्यांचा मंत्रिमंडळात समावेश केलेला आहे. यावर आणखी कोणाचे काही मत, विचार असतील तर आम्ही ते नक्की ऐकुन घेऊ, लोकशाही भावना व्यक्त करण्याचा प्रत्येकाला अधिकारी आहे, असे स्पष्ट मत मुख्यमंत्री एकनाथ शिंदे यांनी व्यक्त केले.
संजय राठोड यांची मंत्रिमंडळात वर्णी लागल्यावरून सध्या काहींनी विरोधात आवाज उठविण्यास सुरवात केली आहे. याविषयी खुद्द मुख्यमंत्री एकनाथ शिंदेंकडून याबाबतची भूमिका जाणून घेतली. मुख्यमंत्री शिंदे म्हणाले, मागील महाविकास आघाडी सरकारमध्ये ते मंत्री असताना पोलिसांनी त्यांना क्लिनचिट दिली होती. त्यामुळे त्यांचा या मंत्रिमंडळात समावेश केलेला आहे.
पोलिसांनी तपास केला होता. त्यामध्ये काहीही निष्पन्न झालेले नाही, त्यामुळे त्यांना क्लिनचिट दिलेली आहे. यावर आणखी कोणाचे काही मत, विचार असतील तर ते नक्की ऐकून घेतले जातील. लोकशाहीत भावना व्यक्त करण्याच्या प्रत्येकाला अधिकार आहे.
पुढे लवकरच मंत्रिमंडळ विस्तार होणार असून सर्वसमावेशक मंत्रिमंडळ दिसेल. आमच्या सरकारकडून सर्वसामान्यांना न्याय दिला जाईल, हे सरकार लोकाभिमूख असून आम्ही आमच्या कामाने उत्तर देऊ. राज्याला केंद्राचा ही पाठींबा असून पंतप्रधान नरेंद मोदी आणि केंद्रीय गृहमंत्री अमित शहा यांना मी धन्यवाद देईन.
त्यांनी महाराष्ट्र राज्यासाठी चांगले निर्णय घेतला आहेत. त्यामुळे राज्याचा विकास चांगल्या गतीने होईल, असेही मुख्यमंत्री शिंदे यांनी स्पष्ट केले. शिवसेनेतील नाराजीविषयी ते म्हणाले, शिवसेनेत कोणीही नाराज नाही. आपल्याकडे थोडीच मंत्रीपदे होती, पुढचा टप्पा लवकरच होईल.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.