Uddhav Thackeray News : मुंबई महापालिका स्वबळावर लढण्याची घोषणा काँग्रेस नेत्या, खासदार वर्षा गायकवाड यांनी केली आहे. मनसेसोबत युती नको, अशी त्यांची भूमिका आहे. त्यामुळे उद्धव ठाकरेंसोबत असलेली महाविकास आघाडी टिकणारी की नाही, अशी चर्चा सुरू झाली आहे. त्यामुळे महाविकास आघाडी टिकवण्यासाठी शरद पवारांनी सुत्रं हातात घेतल्याची माहिती आहे.
उद्धव ठाकरेंना मुंबईत लढताना मनसेसह काँग्रेस देखील सोबत हवी आहे. त्यामुळे शिवसेना उद्धव बाळासाहेब ठाकरे पक्षातील खासदार थेट राहुल गांधींच्या संपर्कात आहेत. काँग्रेस ठाकरेंसोबत राहावी, महाविकास आघाडी टिकावी यासाठी शरद पवार शिष्टाई करणार असल्याचे सांगितले जाते. मात्र, पवारांनी यावर कोणतीही अधिकृत प्रतिक्रिया दिली नाही.
भाजपला रोखण्यासाठी सर्व पक्षांनी एकत्र राहिले पाहिजे, अशी भूमिका उद्धव ठाकरेंनी घेतली आहे. मनसेसोबत काँग्रेस देखील असेल तर मुंबई महापालिकेत भाजपला रोखता येईल, असे ठाकरेंचे पदाधिकारी सांगत आहेत.
दरम्यान, काँग्रेस नेत्यांनी नुकतीच शरद पवारांची भेट झाली. या भेटीत पवारांनी मतदारयादीवरील घोळात सर्व मिळून मोर्चा काढतात मग निवडणुका स्वतंत्र का लढता यावर चर्चा झाली आहे.
राष्ट्रवादी काँग्रेस शरदचंद्र पवार पक्षाची आज मुंबईत वाय.बी. चव्हाण सेंटमध्ये बैठक होणार आहे. या बैठकीत आगामी पालिका निवडणुकीसंदर्भात आढावा घेतला जाईल. शरद पवार हे या बैठकीला उपस्थित राहणार आहे. मनसेला सोबत घेण्याबाबत या बैठकीत निर्णय घेतला जाणार असल्याचे सांगितले जात आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.