BMC Election : मुंबई महापालिका निवडणुकीसाठी भाजप आणि शिंदेंची शिवसेना यांची युती झाली आहे. दोघांमध्ये जागा वाटपाची चर्चा सुरू आहे. ही युती उद्धव ठाकरे-राज ठाकरेंपुढे आव्हान उभे करण्याची चर्चा आहे. मात्र, ठाकरे बंधूंनी 'MM' समीकरणावर लक्ष केंद्रीत केल्याने तब्बल 113 जागांवर ठाकरे बंधू सहज विजयी होतील, अशी चर्चा आहे.
मराठी आणि मुस्लीम हे 'MM' समीकरण लक्षात घेत ठाकरे बंधूंनी रणनीती आखण्यास सुरुवात केल्याची माहिती आहे. मुंबईतील 77 वाॅर्डमध्ये मराठी मतदारांची वर्चस्व आहे. तर, 41 वाॅर्डमध्ये मुस्लिम मतदारांचा दबदबा आहे.
मुस्लिम-मराठी मतांच्या जोरावर मुंबई महापालिका निवडणुकीत ठाकरे बंधूंना सहज विजय मिळवणे शक्य असल्याचे बोलले जात आहे. विधानसभा निवडणुकीत उद्धव ठाकरेंच्या शिवसेनेला तब्बस 25 टक्के मतं मिळाली होती. तर, भाजप 24 टक्के मतांसह दुसऱ्या स्थानावर होता.
ठाकरेंच्या मराठी मतांमध्ये फूट पाडण्यासाठी भाजपने एकनाथ शिंदेंच्या शिवसेनेला सोबत घेतल्याची चर्चा आहे. मात्र, मराठी मतदार सर्वाधिक असलेल्या वाॅर्डमध्ये ठाकरे बंधूंना पाठींबा मिळण्याची शक्यता आहे. त्यामुळे निवडणुकीत परप्रांतिय विरुद्ध मराठी असे समीकरण तयार होऊन मराठी मतदार ठाकरेंसोबत येतील, अशी शक्यता आहे.
भाजपची मतदार ही उत्तर भारतीय हिंदी भाषिक, तसेच गुजराती मतदारांवर असणार आहे. हिंदुत्वाच्या मुद्यावर देखील काही मराठी मते त्यांच्याकडे वळण्याची शक्यता वर्तवली जात आहे. ठाकरे बंधू मराठी मुद्यावर निवडणूक लढण्याची रणनीती करत असताना भाजपमात्र ही निवडणूक हिंदुत्वाच्या मुद्यावर लढण्यासाठी सज्ज असल्याचे सांगितले जात आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.