राज्याचे लक्ष लागलेल्या माळेगाव सहकारी साखर कारखान्याच्या निवडणुकीची मतमोजणी सुरु झाली आहे. पहिला निकाल जाहीर झाला आहे. ब वर्ग सभासद प्रतिनिधी प्रवर्गातून निळकंठेश्वर पॅनलचे उमेदवार व राज्याचे उपमुख्यमंत्री अजित पवार हे विजयी झाले आहेत. अजित पवार यांना 91 तर त्यांच्या विरोधी उमेदवाराला दहा मते पडले आहेत.
अजित पवार यांच्या पॅनलच्या बाजूने सर्वात पहिला निकाल हा जाहीर झाला आहे. या जागेवर अजित पवार विजयी होणार हे निश्चित होते, त्यामुळे ही जागा सोडून इतर जागांसाठी प्रचार जोरदार सुरु होता.अजित पवार यांचे निळकंठेश्वर पॅनल विरुद्ध चंद्रराव तावरे व रंजन तावरे यांच्या नेतृत्वाखालील सहकार बचाव पॅनलमध्ये मुख्य लढत होत आहे.
बारामतीतील प्रशासकीय भवन मधील अभियांत्रिकी भवन येथे मतमोजणी सुरु आहे. माळेगाव सहकारी साखर कारखान्याच्या पंचवार्षिक निवडणुकीसाठी चौरंगी लढत झाली होती.
बारामतीतील प्रशासकीय भवन मधील अभियांत्रिकी भवन येथे मतमोजणी सुरु आहे. माळेगाव सहकारी साखर कारखान्याच्या पंचवार्षिक निवडणुकीसाठी चौरंगी लढत झाली होती.
राष्ट्रवादी काँग्रेस शरद पवार पक्षाने बळीराजा पॅनेलचे उमेदवारांनी ताकद लावली आहे.मतदानाच्या दिवशी माळेगावच्या बहुतांश उमेदवारांनी मते विकत घेण्यासाठी वारेमाप पैशांचे वाटप केल्याची चर्चा कार्यक्षेत्रात होती.
मताला १० हजार रुपयांचा भाव फुटला होता. त्यासाठी ५० रुपयांचे टोकन देण्यात आल्याचे सांगण्यात येत आहे. 'क्रॉस व्होटिंग'झाल्याची चर्चा आहे. त्यामुळे भल्या भल्या उमेदवारांचे धाबे दणाणले आहे. असे असले तरी तिन्ही पॅनेलने विजयाचा दावा केला आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.