Pune News : उपमुख्यमंत्री एकनाथ शिंदे यांच्या शिवसेनेचे महानगरप्रमुख रवींद्र धंगेकर हे कोथरूड मधील गुन्हेगारीच्या मुद्द्यावरून मंत्री चंद्रकांत पाटील यांच्यावर सातत्याने टीका करताना पाहायला मिळत आहेत. चंद्रकांत पाटील यांच्या वरदहस्तामुळे कोथरूड मधील गुन्हेगारी फोफावली असल्याचा अप्रत्यक्ष आरोप देखील रवींद्र धंगेकर यांनी केला आहे. रवींद्र धंगेकरांकडून करण्यात येणारे हे आरोप भाजपच्या जिव्हारी लागल्या असून आता भाजपने देखील आक्रमक पवित्रा घेतला त्यांना ठोकून काढण्याची भाषा केली आहे.
'ब्लॅकमेलर आहोत अशा पद्धतीने विधान करायचं आणि प्रसिद्धीमध्ये राहायचं ही धंगेकर प्रवृत्ती पुणेकरांना माहिती आहे. त्यामुळे त्यांनी कोणालाही शहाणपण शिकवण्याची गरज नाही. चंद्रकांत पाटील यांच्यावर होणारी टीका भाजपचा कोणताही भाजप कार्यकर्ता आता खपून घेणार नाही.' असा इशारा भाजप शहराध्यक्ष धीरज घाटे यांनी दिला.
घाटे म्हणाले, 'चंद्रकांत पाटील यांच्यावर रवींद्र धंगेकर यांच्याकडून करण्यात येत असलेल्या आरोप बिनबडाचे असून फक्त ते वैयक्तिक आकसाने केलेले आहेत. फक्त प्रसिद्धीमध्ये राहण्यासाठी हे आरोप करत आहे.'
'महायुती म्हणजे फेविकॉल का मजबूज जोड आहे. त्यामुळे धंगेकर यांच्यासारख्या कोण्या एका व्यक्तीने टीका केल्याने महायुतीमध्ये मिठाचा खडा पडेल असं काही होणार नाही. धंगेकर यांनी काल-परवा एकनाथ शिंदे यांच्या शिवसेनेमध्ये प्रवेश केला आहे. त्यापूर्वी ते काँग्रेसमध्ये आणि मनसे मध्ये होते त्यामुळे सातत्याने पक्ष बदलण्याचा त्यांचा स्वभाव असून त्यांना अद्याप आपण शिंदेंच्या शिवसेनेमध्ये आलो आहोत याबाबतचा भान राहिलेलं नाही.', असे देखील ते म्हणाले.
धंगेकर ज्या पद्धतीने महायुतीमध्ये मिठाचा खडा टाकत आहे. त्यामुळे त्यांना समजेल अशा पद्धतीत त्यांना शिवसेनेतील वरिष्ठ नेत्यांनी त्यांना समज देण्याची गरज आहे. वरिष्ठांनी त्यांना समज द्यावी अन्यथा आम्ही आमच्या पद्धतीने त्यांना ठोकून काढू असं घाटे म्हणाले. वक्तव्य करायचं आणि नंतर मूग गिळून गप्प बसायचं अशी त्यांची अनेक प्रकरणा बघितलं आहेत, असे देखील ते म्हणाले.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.