Vaishnavi Hagwane Case : कौटुंबिक अत्याचाराचा दुर्दैवी बळी ठरलेल्या वैष्णवी हगवणे यांच्या आई वडिलांची व कस्पटे कुटुंबियांची भेट उपमुख्यमंत्री एकनाथ शिंदे यांनी शनिवारी सायंकाळी घेतली. कस्पटे कुटुंबीयांचे सांत्वन करत त्यांच्याशी शिंदे यांनी संवाद साधला.
एकनाथ शिंदे म्हणाले, हुंड्याच्या मोहापायी मुलीप्रमाणे असलेल्या सुनेला मारहाण करून आत्महत्येचे प्रवृत्त करणाऱ्या हागवणे कुटुंबातील सर्व सदस्यांना पोलिसांनी अटक केली असून त्यांना कठोरात कठोर शासन केले जाईल अशी ग्वाही देतो.
शिंदे यांनी कस्पटे कुटुंबीयांचे म्हणणे सविस्तरपणे जाणून घेऊन त्यांना दिलासा दिला. तसेच वैष्णवीच्या बाळाला हातात घेऊन त्याच्या आईला नक्की न्याय मिळवून देऊ, असा विश्वास व्यक्त केला.
हगवणे यांना मदत करणारे, किंवा त्यांच्या आडून समाजात दहशत माजवणारे, अथवा त्यांचे गुन्हे पाठीशी घालण्यासाठी मदत करणारे कितीही मोठे असले तरीही त्यांची गय केली जाणार नाही, असा इशाराही शिंदे यांनी दिला.
वैष्णीच्या आत्महत्ये प्रकरणी तिचा नवरा शशांक, दीर सुशील, सासरे राजेंद्र हगवणे, सासू लता आणि नणंद करिष्मा या पाच जणांना अटक करण्यात आले आहे. तर, करिष्मा मित्र निलेश चव्हाण याच्यावर देखील गुन्हा दाखल करण्यात आला असून तो फरार आहे. पिंपरी-चिंचवड पोलिसांचे पथक त्याचा शोध घेत आहे.
वैष्णवीच्या आत्महत्येनंतर तिचे सासरे राजेंद्र हगवणे आणि दीर सुशील हे फरार झाले होते. महागड्या गाड्यांनी प्रवास करत ते कर्नाटकच्या सीमेपर्यंत गेले होते. तेथे त्यांना कर्नाटकमधील माजी मंत्र्याच्या मुलाने लपण्यासाठी मदत केली होती. अखेर दोन दिवसांपूर्वी पोलिसांनी स्वारगेट परिसरातून राजेंद्र आणि सुशील यांना अटक केले. न्यायालायने त्यांना पाच दिवसांची कोठडी देखील सुनावली आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.