Ravindra Dhangekar News : कुख्यात गुंड निलेश घायवळ हा परदेशी पळून गेला. त्यावरून एकनाथ शिंदेंचे पुणे महानगर प्रमुख, माजी आमदार रवींद्र धंगेकर यांनी मंत्री चंद्रकांत पाटील यांच्यावर गंभीर आरोप केले होते. पाटील यांच्यासोबत काम करणाऱ्या एका व्यक्तीने घायवळला मदत केल्याचे त्यांनी म्हटले होते. धंगेकरांच्या आरोपानंतर भाजप नेते देखील आक्रमक झाले होते. त्यांनी 'ब्लॅकमेलर' म्हणून धंगेकरांवर टीका केली. तसेच शिवसेनेच्या वरिष्ठ नेत्यांकडे धंगेकरांची तक्रार केली होती.
धंगेकरांच्या कृतीवर उपमुख्यमंत्री एकनाथ शिंदे हे नाराज असल्याची माहिती आहे. शिवसेनेतील वरिष्ठ नेत्यांनी दखल घेत धंगेकरांची कानउघडणी केली. तसेच महायुतीमधील नेते विनाकारण अडचणीत येतील अशी कोणतीही कृती करू नका, असा समज देखील दिल्याचे पुढे आले आहे.
धंगेकर यांच्या आरोपानंतर भाजपचे शहरप्रमुख धीरज घाटे यांनी माध्यमांशी संवाद साधताना धंगेकरांवर सडकून टीका केली होती. धंगेकर हे केवळ प्रसिद्धसाठी असा गोष्टी करत असतात असे देखील त्यांनी म्हटले होते. तसेच कंत्राटदारांच्या गराड्यात ते असतात असे म्हटले होते. चंद्रकांतदादांवर आरोप खपवून घेणार नसल्याचा इशारा देखील त्यांनी धंगेकरांना दिला होता. दरम्यान, शिवसेनेच्या वरिष्ठ नेत्यांकडे त्यांनी याबाबत तक्रार केली होती.
शिवसेनेतील काही पदाधिकारी देखील धंगेकर यांच्यावर नाराज असून त्यांनी देखील धंगेकरांना आवरा, असे वरिष्ठांच्या कानावर घातले होते. त्यामुळे शिवसेनेतील वरिष्ठ नेत्यांनी धंसमज देताना हे प्रकार त्वरित थांबवा असे धंगेकरांना बजावले आहे. दरम्यान, ठाकरेंच्या शिवसेनेतून रवींद्र धंगेकर यांना फूस लावली जात असल्याची चर्चा आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.