Kasba - Chinchwad By Election Results : कसब्यात धंगेकर आघाडीवर तर रासनेंची पिछाडी, चिंचवडला जगताप आघाडीवर

Pune & Chinchwad By Election News : कसबा , चिंचवड पोटनिवडणुकीची मतमोजणीला सुरुवात झाली आहे. यादरम्यान पहिल्या आणि दुसऱ्या फेरीत कसब्यात धंगेकर हे आघाडीवर असून भाजपचे हेमंत रासने पिछाडीवर आहेत. तर चिंचवडमध्ये तिसऱ्या फेरीत भाजपच्या अश्विनी जाधव आघाडी घेतली आहे.

कसबा पेठ आणि चिंचवड या दोन मतदारसंघात सुरु असलेल्या पोटनिवडणुकीसाठी आज (दि.२) मतमोजणी सुरु झाली आहे. चिंचवडमध्ये महाविकास आघाडीचे उमेदवार विठ्ठल काटे, भाजपच्या अश्विनी जगताप आणि अपक्ष राहुल कलाटे या तीन उमेदवारांचे भवितव्य तिरंगी लढत होत आहे. कसबा मतदारसंघात काँग्रेसचे उमेदवार रवींद्र धंगेकर(Ravindra Dhangekar) यांच्याविरोधात भाजपचे हेमंत रासने रिंगणात आहेत. ऱ्या

कसब्यात धंगेकर यांनी दुसऱ्या फेरीत धंगकेर यांनी १६०० मतांनी आघाडी घेतली आहे. तर चिंचवडमध्ये अश्विनी जगताप आणि नाना काटे यांच्यांत काँटे की टक्कर पाहायला मिळत आहे. दुसऱ्या फेरीत ७,८८२ तर नाना काटे यांना ७,२०६ तर राहुल कलाटे यांना २,६४५ मते पडली आहेत. यात तिसऱ्या फेरीअखेर जगताप या १,७८७ मतांनी आघाडी घेतली आहे.

कसबा आणि चिंचवड विधानसभा मतदारसंघातील पोटनिवडणुकीकडे संपूर्ण राज्याचे लक्ष लागले आहे.या चुरशीच्या निवडणुकीत भाजपकडून मुख्यमंत्री,उपमुख्यमंत्र्यांसह जवळपास डझनभर मंत्री,नेते प्रचारात उतरवले होते. तर काँग्रेस व राष्ट्रवादीकडून देखील माजी मुख्यमंत्री, उपमुख्यमंत्र्यांसह राज्यातील कार्यकर्ते, नेत्यांची फौज उभी केली होती.

कसबा विधानसभा मतमोजणीच्या 20 फेऱ्या

कसबा विधानसभा मतदारसंघात निवडणुकीची मतमोजणी सकाळी आठ वाजता भारतीय खाद्य निगम (एफसीआय) गोदाम, कोरेगाव पार्क पुणे येथे सुरू होत आहे. त्यासाठी मतमोजणीच्या 20 फेऱ्या होणार आहे.

ईव्हीएम मतमोजणीसाठी 14 टेबल तर टपाली मतपत्रिकांसाठी आणि सर्व्हिस वोटर्ससाठीच्या इटीपीबीएससाठी (इलेक्ट्रॉनिकली ट्रान्समिटेड पोस्टल बॅलेट सिस्टीम) प्रत्येकी एक टेबल ठेवण्यात आला आहे. सर्वप्रथम टपाली आणि ईटीपीबीएसची मोजणी होईल. त्यानंतर ईव्हीएम मतमोजणीला सुरुवात होणार आहे. मतमोजणीसाठी प्रत्येक टेबलवर 1 मतमोजणी पर्यवेक्षक, 1 मतमोजणी सहायक आणि 1 सूक्ष्म निरीक्षक असे एकूण सुमारे 50 अधिकारी- कर्मचारी नेमण्यात आले आहेत.