Nitin Gilbile Murder : फॉर्च्युनरमधील हत्येला वेगळे वळण, नितीन गिलबिलेच्या घात माजी नगरसेवकाने केला; पोलिस तपासात धक्कादायक खुलासा

Nitin Gilbile Case Update : मित्रानेच मित्राच घात करत हत्या करण्यात आल्याची घटना 12 नोव्हेंबरला उघडकीस आली होती. व्यावसायिक नितीन शंकर गिलबिले यांची फॉर्च्युनरमध्ये मागे बसलेल्या मित्रांकडून डोक्यात गोळी घालून हत्या करण्यात आली होती. ही घटना पिंपरी-चिंचवडमधील चऱ्होलीजवळील वडमुखवाडी येथे घडली होती.

नितीन यांच्या हत्येनंतर त्यांचा मृतदेह गाडीतून बाहेर फेकून आरोपी अमित पठारे, विक्रांत ठाकूर आणि सुमित पटेल हे फरारी झाले होते. हत्येची घटना सीसीटिव्हीत कैद झाली होती. दरम्यान, आरोपी ताम्हिणी घाटजवळ असल्याची माहिती पोलिसांना मिळाल्यानंतर त्यांनी पोलिसांनी त्यांचा माग काढत त्यांना अटक केली होती. आरोपींच्या अटकेनंतर हा हत्या प्रकरणाला धक्कादायक वळण मिळाले आहे.

पोलिसांनी आरोपींकडे कसून चौकशी केल्यानंतर माजी नगरसेवक किसन तापकीर यांचे नाव समोर आले आहे. पोलिसांच्या प्राथमिक तपासात ही हत्या जमीन व्यवहार आणि आर्थिक कारणामुळे झाल्याचे दिसून येत आहे.

किसन तापकीर फरार

किसन तापकीर यांचा या हत्येमध्ये सहभाग असल्याचे पोलिसांच्या तपासात निष्पण झाले आहे. मात्र, तापकीर हे आरोपींना अटक झाल्यानंतर फारर झाले आहेत. पोलिसांचे तापकीर यांचे नाव संशयित आरोपीमध्ये समाविष्ट केले असून त्यांचा शोध घेण्यात येत आहे.