Manchar, 30 January : राष्ट्रवादी काँग्रेस पक्षात शुक्रवारी (ता. ३० जानेवारी) मोठ्या घडामोडींना वेग आला आहे. पक्षाचे राष्ट्रीय कार्याध्यक्ष प्रफुल्ल पटेल यांनी माजी गृहमंत्री दिलीप वळसे पाटील यांना तातडीचा दूरध्वनी करून ‘त्वरित मुंबईत पक्षाच्या महत्त्वाच्या बैठकीला उपस्थित राहावे’ अशी सूचना केली आहे. त्यामुळे राष्ट्रवादी काँग्रेसमध्ये उद्या शनिवारी मुंबईत काय निर्णय होणार, याकडे संपूर्ण राज्याचे लक्ष लागले आहे.
राष्ट्रवादी काँग्रेस पक्षाचे (NCP) विधिमंडळ नेते, उपमुख्यमंत्रिपदाबाबत मुंबईत चर्चा होण्याची शक्यता वर्तवली जात आहे. या पार्श्वभूमीवर बोलावण्यात आलेली बैठक निर्णायक ठरण्याची चिन्हे आहेत.
विधानसभेचे माजी अध्यक्ष दिलीप वळसे पाटील (Dilip Walse Patil) यांना मंचर येथील निवासस्थानी भेटण्यासाठी शरद बँकेचे अध्यक्ष देवेंद्र शहा आले होते त्यावेळी प्रफुल पटेल यांचा वळसे पाटील यांना फोन आला. पटेल यांनी तातडीने मुंबईला पक्षाच्या बैठकीला यावे, अशी सूचना दिली आहे.
पटेल यांच्याकडून अचानक आलेल्या या निरोपामुळे दिलीप वळसे पाटील यांनी आंबेगाव तालुक्यातील आजचे संध्याकाळचे व रात्री होणारे सर्व नियोजित कार्यक्रम तात्काळ रद्द केले आहेत. ते तातडीने मुंबईकडे रवाना झाले आहेत. त्यामुळे राष्ट्रवादी काँग्रेस पक्षाच्या बैठकीत काय निर्णय होणार, याकडे संपूर्ण राज्याचे लक्ष असणार आहे.
दिलीप वळसे पाटील हे राष्ट्रवादी काँग्रेसमधील ज्येष्ठ, अनुभवी नेते आहेत. पवार कुटुंबीयांशी त्यांचे जवळचे संबंध आहेत. पक्षाच्या आतापर्यंतच्या महत्त्वाच्या निर्णय प्रक्रियेत त्यांचा सहभाग कायम राहिलेले आहे. त्यामुळे वळसे पाटील यांना आलेल्या फोनमुळे मुंबईत काय घडामोडी घडतात, याकडे सर्वांचे लक्ष असणार आहे.
उपमुख्यमंत्री अजित पवार यांच्या अपघाती मृत्युमुळे रिक्त झालेले उपमुख्यमंत्रिपद, विधीमंडळ पक्षाचा नेता याबाबत उद्याच्या बैठकीत चर्चा होण्याची शक्यता वर्तविण्यात येत आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.
