Pune News : खराडी ड्रग्स पार्टी प्रकरणामध्ये राष्ट्रवादी काँग्रेस शरदचंद्र पवार पक्षाच्या महिला प्रदेशाध्यक्ष रोहिणी खडसे यांचे पती प्रांजल खेवलकर यांना दोन महिन्यापूर्वी पोलिसांनी अटक केली होती. या प्रकरणात प्रांजल खेवलकर यांना आता जामीन मंजूर झाला असून ते कोठडीतून बाहेर आले आहेत.
याच प्रकरणांमध्ये आता रोहिणी खडसे यांना पोलिसांनी नोटीस बजावली असून या प्रकरणांमध्ये त्यांना पोलिसांनी चौकशीसाठी बोलावलं होतं. त्यांची तब्बल दीड तास चौकशी करण्यात आली त्यानंतर रोहिणी खडसे यांनी माध्यमांशी संवाद साधला.
रोहिणी खडसे म्हणाल्या, दोन महिन्यापूर्वीची प्रांजल खेवलकर यांच्यावर जो गुन्हा दाखल झाले आहे. त्या प्रकरणांमध्ये पोलिसांना माझ्याशी काही गोष्टींवर चर्चा करायची होती. त्यामुळे आज त्यांनी मला बोलावलं होतं. कोणते प्रश्न विचारले आणि काय चर्चा झाली याबाबत मी माध्यमांन समोर काही सांगणार नाही. या सगळ्या गोष्टी न्यायप्रविष्ठ असून आमची न्यायालयात लढाई सुरू असल्याचं रोहिणी खडसे म्हणाल्या.
पोलिसांना ज्या पद्धतीने सहकार्य करणे आवश्यक आहे. त्या पद्धतीने आम्ही सहकार्य करत आहोत. आम्ही आधीपासून सांगत होतो की ,खेवलकर यांनी कोणत्याही अमली पदार्थाचे सेवन केलेलं नाही. तसेच ते निर्दोष असून या केसमधून ते आरामात आणि न्यायालयात लढा देऊन बाहेर पडतील.
मात्र माझी सर्व माध्यमांना विनंती आहे की जी न्यायालयीन लढाई आहे. ती न्यायालयमध्ये सुरू राहील परंतु हा माझ्या परिवाराचा आणि माझ्या दोन लहान मुलांचा विषय आहे. म्हणून माझी विनंती आहे की या विषयावर आता चर्चा थांबवावी. माझ्या दोन्ही मुलांच्या आयुष्यावर या सर्व गोष्टींचा परिणाम व्हायला लागला आहे.
महिला आयोगाचे अध्यक्ष रूपाली चाकणकर यांनी ज्या व्हिडिओ संदर्भात आरोप केले होते त्याबाबत विचारला असता रोहिणी खडसे म्हणाल्या, सध्या न्यायालयीन प्रक्रिया सुरू असून न्यायालयात एक एक गोष्टी लवकरच समोर येतील. तसेच आम्ही सगळ्यांच्या आरोपांना योग्य वेळी उत्तर देऊ मात्र ती योग्य वेळ आता आलेली नाही. तसेच आमचा न्यायदेवतेवर विश्वास असून लवकरच आम्ही यातून निर्दोष मुक्त होऊ माझी माझ्या दोन मुलांच्या वतीने तुम्हाला विनंती आहे की या सगळ्या गोष्टी माध्यमांनी थांबाव्यात.
मराठवाड्यातील शेतकऱ्यांचा विषय गंभीर आहे. त्यामुळे या विषयाकडे लक्ष न देता त्या सारख्या गंभीर विषयांकडे माध्यमांनी लक्ष द्यावा. राजकारण नक्की होतं मात्र राजकारण करत असताना कोणाचं आयुष्य उध्वस्त होऊ नये याची काळजी घेणं देखील गरजेचे असल्याचं रोहिणी खडसे म्हणाल्या.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.