Pune News, 24 May : पुणे शहरातील खराडी परिसरात सुरू असलेल्या मॅग्नेटल बी.पी.एस अँड कन्सल्टन्सी एलएलपी या कॉल सेंटरवर सायबर पोलिसांनी मोठी कारवाई करत धाड टाकली आहे.
या धाडीमध्ये सायबर फसवणुकीचा मोठा प्रकार उघडकीस आणला आहे. या कारवाईत सायबर पोलिसांनी 41 मोबाईल, 61 लॅपटॉप आणि अनेक महत्त्वाचे डिजिटल साहित्य जप्त केले आहे. या कॉल सेंटरमार्फत अमेरिकेतील नागरिकांना ‘डिजिटल अटक’ (Digital Arrest) करून धमकावून त्यांच्याकडून पैसे उकळले जात होते.
पोलिस तपासात उघड झाले आहे की कॉल सेंटरमधील लोक अमेरिकन नागरिकांना बनावट पोलिस अधिकारी किंवा कायदेशीर सल्लागार असल्याचे भासवून, त्यांना अटक होण्याची भीती दाखवत आर्थिक फसवणूक केली जात होती.
सध्या या प्रकरणात पोलिसांनी पाच जणांना ताब्यात घेण्यात आले असून अनेकांची चौकशी सुरू आहे. या कॉल सेंटर मध्ये सुमारे 100 ते 150 लोक काम करत असल्याचा समोर आला आहे, आणि सर्वजण गुजरातमधील त्याची प्राथमिक माहिती समोर आली आहे.
तसेच या घोटाळ्याचा मास्टरमाईंड देखील गुजरातचा असल्याचा पोलिसांचा अंदाज आहे. 200 पोलीस कर्मचाऱ्यांचा वापर करत ही कारवाई करण्यात आली आहे. खराडी-मुंढवा बायपास रस्त्यावर प्राईड आयकॉन नावाच्या या इमारतीमधून हे बनावट कॉल सेंटर चालवले जात असल्याची माहिती आहे.
सायबर पोलिसांनी सांगितले की, जप्त केलेल्या लॅपटॉपमधील डेटा तपासून आणखी माहिती समोर येण्याची शक्यता आहे. अशा प्रकारची सायबर गुन्हेगारी विरोधातील ही मोठी कारवाई असल्याचं बोललं जात आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.