![Surendra Agarwal](http://media.assettype.com/sarkarnama%2F2024-05%2F3f7b21b5-0e9b-47d9-b34a-814fc42c19c3%2FWhatsApp_Image_2024_05_25_at_09_44_24.jpeg?w=480&auto=format%2Ccompress&fit=max)
Hit and Run Case : कल्याणीनगर अपघात प्रकरणांमध्ये रोज नवनवीन धागेदोरे पोलिसांच्या हाती लागत आहे. ड्रायव्हरला धमकावल्याप्रकरणी आज (शनिवारी) अपघातातील अल्पवयीन आरोपीचे आजोबा सुरेंद्र अगरवाल याला पोलिसांनी अटक करून कोर्टात हजर केले. न्यायालयाने त्यांना 28 मे पर्यंतची पोलिस कोठडी सुनावली आहे. अपघातानंतर गाडी आपणच चालवत होतो, असा जबाब देण्यासाठी ड्रायव्हरला धमकवून डाबून ठेवण्यात आलं असा आरोप अल्पवयीन आरोपीचे आजोबा सुरेंद्र अग्रवाल Surendra Agarwal याच्यावर ठेवण्यात आला आहे.
पोलिस स्टेशनमधून ड्रायव्हरला सोडले असता सुरेंद्र अगरवाल याने ड्रायव्हरला जबरदस्तीने आपल्या घरी नेले. मोबाईल काढून घेतला आणि त्याला एका खोलीमध्ये डांबून ठेवले. कोणाशी बोलायचे नाही, कुठेही जायचं नाही आणि आम्ही सांगू तसच स्टेटमेंट पोलिसांना द्यायचं, असा दबाव अल्पवयीन आरोपीच्या आजोबांनी ड्रायव्हरवर आणला. त्यानंतर ड्रायव्हरच्या कुटुंबीयांनी त्या ठिकाणी येऊन ड्रायव्हरची सुटका केल्याच्या समोर आला आहे. सुरेंद्र Surendra Agarwal यांनी तू मागशील तेवढी रक्कम देऊ, तुला हवं ते देऊ असे देखील अमिष ड्रायव्हरला दाखवलं असल्याचं पोलिसांकडून सांगण्यात आला आहे.
(राजकारणातील महत्त्वाच्या बातम्यांचे अपडेट्ससाठी सरकारनामाचे अधिकृत WhatsApp चॅनल फॉलो करा!)
आज (शनिवारी) आरोपीला कोर्टात हजर केला असता. आरोपीच्या वकिलांनी युक्तिवाद करताना अपघात झाला त्या दिवशी सुरेंद्र अगरवाल हे दिल्ली येथे होते. आणि ते दिल्लीत असतानाच पोलीस डिव्हीआर घेऊन गेले असा दावा केला आहे. तसेच ड्रायव्हर घाबरला असल्याने स्वतःहून त्याने एक दिवस त्या ठिकाणी राहण्याची विनंती केली. त्याला सांगून ठेवण्यात आलं नसल्याचं देखील आरोपीच्या वकिलांनी सांगितला आहे. तसेच आरोपीचे वय 70 हून अधिक असून त्यांना विविध आजार असल्याने त्यांना न्यायालयीन कोठडी द्यावी पोलीस कोठडी देऊ नये असा युक्तिवाद आरोपीच्या वकिलांकडून करण्यात आला.
पोलिसांकडून Police यावेळी आरोपीच्या घरातील सीसीटीव्ही मध्ये छेडछाड करण्यात आल्याचे कोर्टात सांगण्यात आले. आरोपीकडून मिळालेल्या मोबाईलचा डेटा वाचायचा असल्याचा देखील पोलिसांनी सांगितलं. सुरेंद्र अगरवाल यांच्यावर कोंढवा, महाबळेश्वर आणि बंडगार्डन परिसरात 4 गुन्हे दाखल आहेत. तसेच ड्रायव्हरला डांबून ठेवून त्याला गुन्हा घेण्यासाठी दबाव टाकल्याचे देखील पोलिसांनी कोर्टात सांगितले आणि सात दिवसाची पोलिस कोठडीची मागणी करण्यात आली. दोन्ही बाजूंचा युक्तिवाद ऐकल्यानंतर कोर्टाने 28 मे पर्यंतची पोलीस कोठडी दिली आहे.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.