Pune Firing : ऐन गणेशविसर्जनाच्या पूर्वसंध्येला आयुष कोमकरच्या हत्येने पुणे हादरले होते. आंदेकर-कोमकर टोळीयुद्ध त्यामुळे भडकल्याची चर्चा होती. आता ही घटना ताजी असताना पुण्यातील कोथरुड परिसरात किरकोळ कारणावरून गोळीबार केल्याची घटना उघडकीस आली आहे. गोळीबार करणारे निलेश घायवाळ टोळीतील असल्याचे सांगितले जात आहे.
बुधवारी रात्री कोथरुड परिसरात गाडीला साईड दिली नाही म्हणून निलेश घायवळ टोळीकडून गोळीबार करण्यात आला. या गोळीबारात एक जण गंभीर जखमी झाला आहे. त्यावर खासगी रुग्णालयात उपचार सुरू आहे. मिळालेल्या माहितीनुसार, घायवळ टोळीतील मुसा शेख, रोहित आखाड, गणेश राऊत आणि मयुर कुंभारे यांनी हा गोळीबार केला आहे. मयुर कुंभारने केलेल्या गोळीबारात एका व्यक्तीच्या मानेला आणि मांडीला गोळी लागली.
एका वाहनचालकाने घायवळ टोळीच्या गुंडाना पुढे जाण्यासाठी साईड दिली नाही, त्यातून आरोपी मुसा शेख, रोहित आखाडे, मयुर कुंभार हे संतप्त झाले. त्यांनी कारमधील प्रकाश दुरगुडे नावाच्या व्यक्तीवर गोळीबार केला. मध्यरात्री एकच्या सुमारास कोथरुडमधील शिंदेचाळ परिसरात घडली. प्रकाश यांना तातडीने उपचारासाठी खासगी रुग्णालयात दाखल करण्यात आले.
दरम्यान, पुणे शहरात गुंडाची दहशत वाढतच चालली असल्याचे सामाजिक कार्यकर्ते म्हणत आहेत. कोमकर याच्या हत्येनंतर पोलिसांचा गुंडावर वचक राहिला नाही का? असा प्रश्न विचारला जात असताना केवळ साईड दिली नाही म्हणून कारमधील व्यक्तीवर गोळीबार करण्यापर्यंत गुंडांची मजल गेली असल्याचा संताप देखील व्यक्त केला जात आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.