जागा वाटपावरुन पुण्यात महायुतीत नाराजीनाट्य रंगले आहे. शिंदेसेनेला फक्त आठ मिळत असल्याने पदाधिकाऱ्यांनी नाराजी व्यक्त करीत शिवसेना शिंदे सेनेचे नेते, पुणे महापालिका निवडणुक प्रमुख, माजी आमदार रवींद्र धंगेकर यांच्याकडे राजीनामे दिले आहेत.
ऐन निवडणुकीच्या तोंडावर शिवसेनेच्या नेत्यांनी घेतलेल्या निर्णयामुळे शिंदे सेनेसमोर मोठे संकट उभे राहिले आहे. आम्हाला विश्वासात घेतले जात नसल्याचा आरोप यावेळी पदाधिकारी, कार्यकर्त्यांनी संताप व्यक्त केला आहे.
पुण्यात 165 जागा आहे, आम्हाला फक्त ८ ते १० मिळत असेल तर शिवसेनेवर अन्याय होत आहे.उपमुख्यमंत्री एकनाथ शिंदे यांनी रविंद्र धंगेवर यांची पुणे महापालिका निवडणुक प्रमुख म्हणून निवड केली आहे. महायुतीच्या जागा वाटपाच्या बैठकींना धंगेकर यांना बोलवत नसेल, विश्वासात घेत नसेल तर पुण्यात हुकूमशाही सुरु आहे, असा आरोप शिवसेनेच्या पदाधिकाऱ्यांनी साम टिव्हीशी बोलताना सांगितले.
पुण्यात महायुती एकत्र निवडणूक लढविणार असल्याचे ठरले होते. पण कालांतराने अजित पवार यांच्या राष्ट्रवादीने वेगळी चूल मांडण्याचा तयारी दर्शवली. दुसरीकडे
महापालिकेच्या आगामी निवडणुकीसाठी भाजप आणि शिंदे सेना यांच्यातील महायुतीची पहिली महत्त्वाची बैठक नुकतीच पुण्यात झाली. या बैठकीसाठी रवींद्र धंगेकर यांना जाणीवपूर्वक दूर ठेवण्यात आले होते.
निवडणुकीसाठी पुण्यात भाजप इच्छुकांच्या मुलाखती सुरु झाल्या आहेत. भाजप आणि शिवसेना शिंदेगटाच्या युती संदर्भात दोन्ही पक्षातील प्रमुख नेत्यांची बैठक झाली. जागा वाटपावर प्राथमिक चर्चा झाली आहे. त्यामध्ये शिवसेनेच्या वतीने पक्षाच्या प्रवक्त्या नीलम गोऱ्हे, नाना भानगिरे तर भाजपकडून केंद्रीय मंत्री मुरलीधर मोहोळ, उच्च आणि तंत्रशिक्षण मंत्री चंद्रकांत पाटील, शहराध्यक्ष धीरज घाटे बैठकीला उपस्थित होते.
मुरलीधर मोहोळ आणि चंद्रकांत पाटील यांच्यावर धंगेकर यांनी सततची टीका केली आहे. ही टीका त्यांना भोवली आहे. शिवसेनेच्या नेत्यांनीच धंगकेरांना बैठकीतून लांब ठेवल्याचे बोलले जाते. गुंड निलेश धायवळ वरुन धंगेकर यांनी चंद्रकात पाटील यांच्यावर टीका केली होती. तर जैन बोर्डिंग जमीन व्यवहारावरून खासदार मुरलीधर मोहोळ यांच्यावर गंभीर आरोप करीत त्यांना सळो की पळो करुन सोडले होते. भाजप नेत्यांना विरोध करणे हे धंगेकर यांना चांगलेच भोवले आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.