Pune News : पुण्यातील नाना पेठ परिसरात 5 सप्टेंबर रोजी झालेल्या आयुष कोमकर हत्याकांड प्रकरणात महत्त्वाची घडामोड घडली आहे. या प्रकरणातील प्रमुख आरोपी आणि आंदेकर टोळीचा मास्टरमाइंड कृष्णा आंदेकर स्वत:हून पोलिसांच्या स्वाधीन झाला आहे. त्याने समर्थ पोलीस ठाण्यात हजर होऊन आत्मसमर्पण केले असल्याची माहिती पुणे पोलिसांकडून मिळाली. या घटनेनंतर आता या हत्याकांडातील सर्व 13 आरोपी पोलिसांच्या ताब्यात आहेत.
कृष्णा आंदेकर हा आंदेकर टोळीचा प्रमुख सूर्यकांत उर्फ बंडू आंदेकर याचा मुलगा आहे. तसेच, गेल्या वर्षी हत्या झालेल्या माजी नगरसेवक वनराज आंदेकरचा भाऊ आहे. वनराज आंदेकर हत्येचा बदला घेण्यासाठी कृष्णा आंदेकरने या हत्याकांडाची सूत्रे हातात घेतली होती. त्याच्या सूचनेनुसारच आयुष कोमकरवर गोळ्या चालवल्या गेल्या असल्याचं पोलीस तपासात समोर आले असल्यास देखील सांगितलं जात आहे.
काय आहे प्रकरण?
पुण्याच्या नाना पेठ परिसरात गणेश विसर्जनाच्या पूर्वसंध्येला 5 सप्टेंबर रोजी आयुष कोमकर (वय 21) याची दोन तरुणांनी पिस्तुलातून गोळ्या घालून हत्या केली होती. आयुष हा राष्ट्रवादी काँग्रेसचे माजी नगरसेवक वनराज आंदेकर हत्याप्रकरणातील आरोपी गणेश कोमकर याचा मुलगा होता. या हत्येनंतर शहरात तणावाचे वातावरण निर्माण झाले होते. पोलिसांनी तात्काळ कारवाई करत बुलढाणा, गुजरातसह इतर ठिकाणी धाडसंदी केल्या. आतापर्यंत 12 जणांना अटक करण्यात आली होती, ज्यात बंडू आंदेकरसह कुटुंबातील सदस्यांचा समावेश आहे.
गुजरातमधून अटक करण्यात आलेल्या शिवराज आंदेकर, शुभम आंदेकर, अभिषेक आंदेकर आणि लक्ष्मी आंदेकर यांना न्यायालयाने 18 सप्टेंबरपर्यंत पोलिस कोठडी सुनावली आहे. तर, बुलढाणा परिसरातून अटक तुषार वाडेकर, स्वराज वाडेकर, वृंदावनी वाडेकर, अमन युसूफ पठाण, सुजल मेरगू यांचा समावेश आहे.
कृष्णा आंदेकर मागील अकरा दिवसांपासून फरार होता. त्याच्या लपवालपवी आणि कोणाची मदत त्याला मिळाली याचा सविस्तर तपास पुणे पोलिस सध्या करीत आहेत. दरम्यान, सोमवारी न्यायालयात झालेल्या सुनावणीदरम्यान आंदेकरच्या वकिलाने पोलिसांवर गंभीर आरोप केले होते. "कृष्णा आंदेकरची माहिती द्या, नाहीतर त्याला थेट गोळ्या घालू" अशी धमकी पोलिसांनी दिल्याचा दावा त्याने केला. त्यानंतर त्यानंतर अवघ्या काही 24 तासांच्या आतच कृष्णा आंदेकर समर्थ पोलीस ठाण्यात हजर झाला.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.