राष्ट्रवादी काँग्रेस शरदचंद्र पवार पक्षाचे नेते,माजी मंत्री एकनाथ शिंदे यांचे जावई डॉ. प्रांजल खेवलकर यांना पुणे ड्रग्स पार्टी प्रकरणी अटक करण्यात आली आहे. त्यांची पोलीस कोठडी आज संपत आहे.
त्यांना न्यायालयात आज पुन्हा हजर करण्यात येणार आहे. खेवलकर यांच्यासह सहा जणांच्या जामीनावर आज न्यायालयात आज सुनावणी होणार आहे. या आरोपींना बेल मिळणार की जेल होणार याकडे लक्ष लागले आहे.
डॉ. प्रांजल खेवलकर हे राष्ट्रवादी काँग्रेस शरदचंद्र पवार पक्षाच्या महिला प्रदेशाध्यक्षा रोहिणी खडसे यांचे पती आहेत. आज कोर्टात सुनावणी असल्याने रोहिणी खडसे, एकनाथ खडसे दोघेही पुण्यातच तळ ठोकून आहेत.
27 जुलै रोजी पुण्यातील रेव्ह एका पार्टीवर पोलिसांनी छापा टाकला होता. या कारवाईत एकनाथ खडसे यांचा जावई आणि रोहिणी खडसे यांचे पती प्रांजल खेवलकर यांना अटक करण्यात आली आहे.
एकनाथ खडसे यांची आज पुण्यात पत्रकार परिषद आहे. खडसे या प्रकरणावर काय बोलणार?, याकडे सगळ्याचे लक्ष लागले आहे.सोमवारी खडसे यांनी पुण्यातील वकील असीम सरोदे यांची भेट घेतली.
प्रांजल खेवलकर यांच्यावर झालेल्या पोलीस कारवाईबाबत दोघांमधे चर्चा झाली. एकनाथ खडसे यांची बदनामी व्हावी, यासाठी त्यांच्या जावयाचा व्हिडिओ पोलीसांनी न्यायालयात सादर करण्याच्या आधीच माध्यमांना दिल्याचा आरोप असीम सरोदे यांनी केला आहे.
पुणे पोलिसांनी 7 आरोपींच्या घरांची झडती घेतलीअसून त्यांना आरोपींच्या घरातून ड्रग्ज सापडले नाही.पोलिसांनी मोबाईल, लॅपटॉप आणि मेमरी कार्ड जप्त केले आहे. आरोपींनी व्हॉट्सॲप आणि इंस्टाग्रामद्वारे पार्टीचे प्लॅनिंग केल्याची माहिती तपासात उघड झाले आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.