Rahul Gandhi News : काँग्रेस नेते राहुल गांधींवर कारवाईची पुण्यातून कोणी केली मागणी ?

Pune News : समाजात तेढ निर्माण करणारी वक्तव्य नेहमीच काँग्रेसचे नेते आणि लोकसभेतील विरोधी पक्षनेते राहुल गांधी करीत असतात. ते करीत असलेल्या वक्तव्यामुळे देशभरात संतापाची लाट उसळली आहे. त्यामुळे राहुल गांधी यांच्यावर त्वरित कारवाई करण्यात यावी, अशी आग्रही मागणी हिंदू जनजागृती समितीने केली आहे.

लोकसभेचे विरोधी पक्ष नेते राहुल गांधी हे गेल्या काही दिवसांपासून हिंदू समाजाबाबत आक्षेपार्ह विधाने करत आहेत. हिंदूंना हिंसक, द्वेषपूर्ण, खोटारडे असे लोकसभेत राहुल गांधी म्हणाले होते. त्यांच्या या वक्तव्यामुळे हिंदू समाजाच्या भावना दुखावल्या गेल्या आहेत.

गांधी यांनी केलेल्या चुकीच्या वक्तव्यामुळे देशभरात संतापाची लाट उसळली आहे. त्यामुळे त्यांच्यावर कारवाई करण्याची आवशकता आहे. राहुल गांधी यांचे लोकसभा सदस्यत्व तातडीने रद्द करण्यात यावे, अशी मागणी हिंदू जनजागृती समितीने केली आहे.

या प्रकरणी देशाच्या राष्ट्रपती द्रौपदी मुर्मू यांना याबाबत निवेदन पाठविण्यात आल्याची माहिती हिंदू जनजागृती समितीचे निवृत्ती डोके, ओंकार दैने, दिलीप शेटे, नीलेश थोरात यांनी दिली. राहुल गांधी (Rahul Gandhi) यांनी केलेल्या वक्तव्यामुळे समाजात तेढ निर्माण होत आहे.

समाजात तेढ निर्माण करणारी वक्तव्य करणाऱ्या गांधी यांचे सभासदत्व तातडीने रद्द करून त्यांच्यावर गुन्हा दाखल करावा, अशी मागणी ही हिंदू जनजागृती समितीने केली आहे. राहुल गांधी आणि काँग्रेस (Congress) पक्षाने यापूर्वी देखील 'भगवा आतंकवाद', हिंदू आतंकवादाची संकल्पना समाजात रुढ करून हिंदू समाजाची नाहक बदनामी केल्याचा आरोप देखील यावेळी करण्यात आला.