Harshavardhan Sapkal : राहुल गांधींना 'पप्पू' म्हणणारे आता...; हर्षवर्धन सपकाळ यांचं मोदींबाबत वादग्रस्त विधान!

Pune News: काँग्रेस नेते खासदार राहुल गांधी यांच्या नेतृत्वात २२ ऑगस्टला पुणे शहरात ‘छात्रों की गूंज’ या कार्यक्रमाचे आयोजन करण्यात आले आहे. त्या पार्श्वभूमीवर काँग्रेस पक्षाचे प्रदेश अध्यक्ष हर्षवर्धन सपकाळ यांच्या अध्यक्षतेखाली मेळावा पार पडला. या मेळाव्याचे आयोजन काँग्रेस पक्षाचे गटनेते चंदूशेठ कदम यांनी केले होते.

या कार्यक्रमांमध्ये काँग्रेस कार्यकर्त्यांना संबोधित करताना काँग्रेस प्रदेश अध्यक्ष हर्षवर्धन सपकाळ यांची पंतप्रधान मोदी यांच्यावर गंभीर की टीका केली आहे. तसेच सपकाळ यांनी पंतप्रधान नरेंद्र मोदी यांच्याबद्दल वादग्रस्त विधान केलं आहे.

या कार्यक्रमात हर्षवर्धन सपकाळ म्हणाले, १२ वर्षांपूर्वी मोदी, मोदी आपला देश करत होता. आपल्या देशामध्ये राहुल गांधींसारखा एक प्रामाणिक माणूस जो आहे, त्याला बाजूला सारण्याचं एक कॅम्पेन सुरू होतं. त्या बिचाऱ्या आमच्या नेत्याला पप्पू, पप्पू म्हणत होते. १२ वर्षांनंतर आमचं सोनं तापून, तापून आता असं पीवर झालं, की आता पप्पू, पप्पू, म्हणून हिणवणारे आता 'पप्पा, पप्पा, त्या माणसाला म्हणायला लागतील, हा दिवस आता दूर नाही! असं हर्षवर्धन सपकाळ म्हणाले.

पुढे सकपाळ म्हणाले, 'आप के हर किसी के खाते में १५ लाख रुपये डालूंगा.' 'भाइयों और बहनों, न खाऊंगा, न खाने दूंगा.' 'भाइयों और बहनों, हर साल २ करोड रोजगार दूंगा. मैं नौकरियां दूंगा.' 'भाइयों और बहनों, किसान भाइयों, जो जिसका किसानी का जितना लागत मूल्य होगा, उससे डेढ़ गुना फसल को दाम दे दूंगा. महिलाओं को सुरक्षित रखूंगा. 'बेटी बचाओ, बेटी पढ़ाओ' अभियान शुरू करूंगा.' अजून काय काय त्यांनी सांगितलं मात्र कोणतेही आश्वासन पूर्ण केले नाहीत.

अशी आश्वासन देणारे मोदी हे थोतांड, खोटारडे अन् दलिंदर माणूस आहेत. आता हे दलिंदर माणूस या देशाचा पंतप्रधान झाले आहेत. असं वादग्रस्त विधान हर्षवर्धन सपकाळ यांनी केलं आहे. यावरून आता भाजप आणि काँग्रेस पुन्हा एकदा आमने-सामने येण्याची शक्यता निर्माण झाली आहे.