Pune News : एकनाथ शिंदे यांच्या शिवसेनेचे पुणे महानगरप्रमुख रवींद्र धंगेकर यांनी जैन बोर्डिंग हाऊस जमीन गैरव्यवहार प्रकरणात केंद्रीय राज्यमंत्री मुरलीधर मोहोळ यांच्यावर गंभीर आरोप केले आहेत. गेल्या आठवड्यापासून धंगेकर सातत्याने मोहोळ यांच्यावर टीका करत आहेत. या पार्श्वभूमीवर, 24 ऑक्टोबर 2025 रोजी रात्री उशिरा मोहोळ यांनी मुंबईत मुख्यमंत्री देवेंद्र फडणवीस यांची भेट घेतली. या भेटीवर रवींद्र धंगेकर (Ravindra Dhangekar) यांनी प्रतिक्रिया देताना फडणवीसांचे कौतुक केले आणि मोहोळ यांच्यावर कारवाईची अपेक्षा व्यक्त केली.
माजी आमदार रवींद्र धंगेकर यांनी शनिवारी (ता.25) माध्यमांशी संवाद साधला. ते म्हणाले, गतिमान सरकार म्हणून पंतप्रधान नरेंद्र मोदी यांना जैन समाजासह सर्वांनीच पाठिंबा दिलेला आहे. त्यांच्या नावावरच या लोकांना मतदान केलं गेलं. परंतु जैन मंदिर असं गतिमान पद्धतीने हडप करण्यात आले असल्याचे उदाहरण आपल्यासमोर आहे. याचाच जाब विचारण्यासाठी मुख्यमंत्री देवेंद्र फडणवीस यांनी मुरलीधर मोहोळ यांना बोलावलं असेल असा दावा धंगेकर यांनी केला.
तर, जैन धर्मियांच्या भावना तीव्र आहेत त्यांच्यामध्ये असंतोष आहे त्यामुळे मोहाळांची झाडाझडती येण्यासाठीच फडणवीस आणि त्यांना बोलावलं असेल. फडणवीस चुकीच्या लोकांना सोडणार नाहीत. माझं मन मला सांगत असून ते मुरलीधर मोहोळ यांच्यावर कारवाई केल्याशिवाय सोडणार नाहीत. चाणाक्ष राजकारणी म्हणून देवेंद्र फडणवीस (Devendra Fadnavis) यांच्याकडे पाहिले जा,ते ते नक्कीच कारवाई करतील, असा दावाही धंगेकर यांनी व्यक्त केला आहे.
शिवसेनेचे रवींद्र धंगेकर यांनी एकीकडे भाजप नेते चंद्रकांत पाटील आणि निलेश घायवळ प्रकरणावर टीका केली, तर दुसरीकडे मोहोळ यांच्यावर जैन बोर्डिंग प्रकरणी हल्लाबोल केला. मात्र, फडणवीसांचे कौतुक करुन त्यांनी महायुतीतील अंतर्गत राजकारणाला नवी दिशा दिली आहे. धंगेकरांच्या या टीका आणि स्तुतीच्या मिश्रणामुळे राजकीय वर्तुळात चर्चा रंगली आहे.
पुण्यातील शिवाजीनगर येथील जैन बोर्डिंग हाऊस ही ऐतिहासिक जागा पब्लिक ट्रस्ट अंतर्गत आहे. धंगेकर यांच्या आरोपांनुसार, मोहोळ यांनी गोखले बिल्डर्सशी संगनमत करुन या जमिनीची बेकायदेशीर विक्री केली. मोहोळ यांनी मात्र हे आरोप फेटाळले असून, ते गोखले बिल्डर्समधून 2024 मध्येच बाहेर पडल्याचे सांगितले. धर्मादाय आयुक्तांनी या विक्रीला स्थगिती दिली असून, चौकशी सुरु आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.