Shrirang Barane : शिंदेंच्या खासदाराचे थेट फडणवीसांच्या गृह खात्यावर गंभीर आरोप

Pune News : राज्यात वाढत असलेल्या गुन्हेगारी घटनांच्या पार्श्ववभूमीवर विरोधकांकडून सातत्याने गृहमंत्रालयाचा पदभार असलेल्या मुख्यमंत्री देवेंद्र फडणवीस यांच्यावर निशाणा साधण्यात येत आहेत. तसेच नागरिकांकडून करण्यात येणाऱ्या तक्रारींकडे पोलीस दुर्लक्ष करत असल्याच्या आरोप देखील विरोधकांकडून केला जत आहे. 

आता विरोधकांन बरोबर सत्तेत सहभागी असलेल्या मित्र पक्षांकडून देखील पोलीस प्रशासनाच्या गलधान कारभार वरून फडणवीसांच्या गृह खात्यावर गंभीर आरोप करण्यात येत आहेत.   

उद्योगनगरी, म्हणून ओळख असलेल्या पिंपरी-चिंचवड शहरातील औद्योगिक परिसरातील गुन्हेगारी नियंत्रणात आणण्यासाठी पुणे शहर व पुणे ग्रामीण पोलिस दलाची विभागणी करून स्वतंत्र पोलिस आयुक्तालय कार्यान्वित करण्यात आले आहे. यामुळे नागरिकांच्या तक्रारींचा तातडीने निपटारा होईल हि अपेक्षा होती. तरी देखील तक्रारींची  तत्काळ दखल घेतली जात नसल्याच्या तक्रारी नागरिकांकडून लोकप्रतिनिधींकडे करण्यात येत आहेत.  या पार्श्ववभूमीवर मावळचे शिंदेंच्या शिवसेनेचे खासदार श्रीरंग बारणे यांनी आज पिंपरी-चिंचवड पोलीस आयुक्त विनयकुमार चोबे यांची भेट घेत पोलीस प्रशासनाच्या कामकाजाबाबत चर्चा केली. 

याबाबत बारणे यांनी सोशल मीडियावर पोस्ट केली आहे. यात बारणे म्हणाले, पिंपरी-चिंचवड पोलिस आयुक्तालय हद्दीतील पोलीस ठाण्यात येणाऱ्या सर्वसामान्य नागरिकांच्या तक्रारींची तात्काळ दखल घेतली जात नाही. तक्रारदाराला मानसिक त्रासाला सामोरे जावे लागते म्हणूनच सर्व तक्रारी तत्काळ आणि योग्य प्रकारे हाताळल्या जाव्यात.

तक्रारींकडे दुर्लक्ष करणाऱ्या अधिकाऱ्यांना योग्य त्या सूचना दिल्या पाहिजेत. जनतेचा सरकारवरील विश्वास कायम ठेवणे आणि त्यांना न्याय मिळवून देणे, हे प्रशासनाचे प्रमुख कर्तव्य आहे, अशा सूचना त्यांनी पोलीस आयुक्तांना केल्या.