Sharad Pawar : विद्यार्थ्यांनी व्यथा मांडताच पवारांनी थेट मुख्यमंत्री शिंदेना लावला फोन!

Sharad Pawar : पुण्यात महाराष्ट्र लोकसेवा आयोग (MPSC Examination) परीक्षेची तयारी करणारे शेकडो विद्यार्थी आज (१३ जानेवारी) रस्त्यावर उतरले होते. अखेर तब्बल १८ तासानंतर आज पहाटे पुण्यातलं एमपीएससीच आंदोलन स्थगित करण्यात आलं. मुख्यमंत्री एकनाथ शिंदे (Eknath Shinde) यांनी भेटीचं आश्वासन दिल्यानंतर विद्यार्थ्यांनी हे आंदोलन स्थगित केलं होतं. मात्र यात आता राष्ट्रवादी काँग्रेसचे अध्यक्ष शरद पवार यांनी लक्ष घातले आहे.

शरद पवार यांनी महाराष्ट्राचे मुख्यमंत्री एकनाथ शिंदे यांना फोन लावला आहे. एमपीएसी विद्यार्थ्यांच्या पाच जणांच्या शिष्टमंडळाने पवारांची भेट घेतली आहे. राज्यसेवा आयोगाच्या परिक्षा म्हणजेच एमपीएससीच्या प्रश्नाबाबत काही विद्यार्थी व परिक्षार्थींनी पुण्यात आंदोलन केले होते. यासंदर्भात मुख्यमंत्र्यांतच्या भेटीसाठी वेळ मागितली होती.याच मुद्यावरून आता विद्यार्थ्यांनी पवारांची आज पुण्यात भेट घेतली.

यावेळी विद्यार्थ्यासमोर पवारांनी मुख्यमंत्र्याना फोन केला. राज्यसेवा आयोगाच्या परिक्षेबाबतचा तिढा आणि विद्यार्थ्यांच्या प्रश्नांवर मार्ग काढण्याच्या सूचना त्यांनी शिंदेंना केले. यावेळी आमदार राष्ट्रवादीचे युवा आमदार रोहित पवार देखील उपस्थित होते.