Pune News : सध्या राज्याच्या राजकारणामध्ये उद्धव ठाकरे आणि राज ठाकरे यांच्या एकत्र येण्याच्या चर्चा सुरू आहेत. या दोन्ही नेत्यांच्या एकत्र येण्याने आगामी स्थानिक स्वराज्य संस्थांच्या निवडणुकात कशाप्रकारे राजकीय उलटफेर होऊ शकतील, याबाबत वेगवेगळे मतप्रवाह आहेत. अशातच भाजप नेते किरीट सोमय्या यांनी ठाकरे बंधूंच्या युतीबाबत वक्तव्य केला आहे.
ठाकरे बंधू यांच्या युतीबाबत विचारले असता किरीट सोमय्या म्हणाले, मी अकाउंट मध्ये जास्त मार्क मिळवले आहेत. त्यामुळे मला माहिती आहे की कितीही झिरो लावले तरी त्याचे उत्तर झिरोच असतात. त्यामुळे उद्धव ठाकरे, राज ठाकरे, आदित्य ठाकरे आणि अमित ठाकरे एकत्र आले तरी बेरीज ही शून्यच असणार आहे. त्यामुळे हा कसला ब्रँड. एकाचं डिपॉझिट गेलं आणि एकाची इज्जत निवडणुकीत गेली आहे, असं म्हणत दोन्ही ठाकरे बंधूंना किरीट सोमय्या यांनी टोला लगावला.
किरीट सोमय्या पुढे म्हणाले, लोकसभेत 2024 मध्ये उद्धव ठाकरेंनी फसवणूक केली. त्यामुळे बाळासाहेब ठाकरे यांना मानणाऱ्या लोकांनी त्यांना मतदान केलं नाही. या लोकांना विधानसभा निवडणुकीत आम्ही एक्सपोज केले म्हणून हे सगळे भगवे वस्त्रधारी लोक एकत्र आले असल्याची टीका सोमय्या यांनी केली.
पुण्यामध्ये माध्यमांशी बोलताना बेकायदा राहणाऱ्या बांगलादेशींबाबत बोलताना किरीट सोमय्या म्हणाले, हिंदू नाव ज्योती लावून बाबू खान स्वतः ला किन्नर म्हणून घेणाऱ्याचा पोलिसांनी पर्दाफाश केला आहे. बाबू याने आतापर्यंत 300 बांगलादेशींना देशात आणलं असल्याची माहिती मिळाली आहे. खोटी जन्म प्रमाणपत्रं काढण्यात आली आहेत. या शंभर बोगस जन्म प्रमाणपत्राच्या घोटाळ्याबाबत पोलिसांत एफआयआर दाखल करण्यात येणार आहे.
बाबू खान याने १ हजार जणांना खोटी प्रमाणपत्रं काढून दिली आहेत. त्यामुळे मुख्यमंत्री देवेंद्र फडणवीस यांना मी पत्र याबाबत दिले आहे. शिवाजीनगर भागात कोंबींग ऑपरेशन करा, हजारो बेकादेशीर लोक सापडतील असा दावा सोमय्या यांनी केला.
विधानसभा आणि लोकसभा निवडणुकीत महाविकास आघाडीच्या समर्थनात मौलवी नेते उभा ठाकले होते. तो 114 कोटींचा वोट जिहाद फंड घोटाळा जाहीर केला होता. त्यासोबतच दोन लाख 24 हजार बोगस जन्म प्रमाणपत्रांचा देखील घोटाळा बाहेर काढला होता. आता आणखीन एक घोटाळा ज्योतीच्या नावाने बाहेर आला आहे, असेही सोमय्या यांनी सांगितले.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.