Pune News : वैष्णवी हगवणेला आत्महत्येला प्रवृत्त केल्याप्रकरणी तिचा नवरा शशांक हगवणे आणि सासू-सासऱ्यांसह पाच जणांना पोलिसांनी अटक केली आहे. त्यांच्या चौकशीतून गेल्या काही दिवसांपासून अनेक धक्कादायक खुलासे समोर येत आहेत. अशातच या पाचही आरोपींना पुणे जिल्हा सत्र न्यायालयात हजर करण्यात आले होते. यावेळी आरोपींच्या म्हणजेच हगवणे कुटुंबाच्या वकिलांनी धक्कादायक युक्तिवाद केल्याची माहिती समोर येत आहे.
पुणे न्यायालयात वैष्णवी हगवणे (Vaishnavi Hagawane) बुधवारी (ता.29) सुनावणी पार पडली. यावेळी कोर्टानं सासरा राजेंद्र हगवणे आणि दीर सुशील याला 31 मेपर्यंत पोलीस कोठडी सुनावली. तर नवरा शशांक आणि सासू लता आणि नणंद करिष्मा हगवणेला एक दिवसांची पोलिस कोठडी सुनावण्यात आली.
मात्र, धक्कादायक बाब म्हणजे या सुनावणीदरम्यान,रोपी हगवणे कुटुंबाचे वकील विपुल दुशिंग यांनी कोर्टासमोर (Pune Court) युक्तिवाद करताना वैष्णवीची प्रवृत्तीच आत्महत्येची असल्याचा खळबळजनक दावा केला आहे. तसेच आरोपीच्या वकिलांनी वैष्णवीचे एका व्यक्तीसोबत चॅट सुरु असल्याचं पकडण्यात आलं होतं.
नवऱ्यानं बायकोला कानाखाली मारणं म्हणजे छळ होत नाही असंही वकिलांनी म्हटलं. तसेच 40 लाखांच्या फॉर्च्युनरसाठी कुणाचा कशासाठी छळ केला जाईल असंही न्यायालयासमोर सांगितलं. वैष्णवी हगवणे आत्महत्येप्रकरणी आता पाचही आरोपींची पुन्हा एकदा पोलिस कोठडीत रवानगी करण्यात आली.
हगवणे यांचे वकील विपुल दुशिंग म्हणाले, आरोपींना पोलिस कोठडी देण्याची काही गरज नाही.गहाण ठेवले ते सोनं कुठल्या बँकेत आहे हे हगवणे यांनी आधीच सांगितलं आहे. निलेश चव्हाण याला आरोपी करणे चुकीचं आहे, त्याचा काही संबंध नाही, तो हगवणे यांचा नातेवाईक नाही. निलेश चव्हाणने बाळाला सांभाळलं, पण हेळसांड केली म्हणून त्यावर गुन्हा दाखल केला. तो चुकीचा असेल तर त्याला फाशी द्या असाही युक्तिवाद करण्यात आला.
तसेच सध्या मीडिया ट्रायल सुरू केलेली आहे. जगात मोबाईलचे चॅट पोहचले आहेत आणि कुठले चॅट लपवले असे म्हणतात. वैष्णवी नको त्या व्यक्तीशी चॅट करत होती, ते आम्ही पकडले, त्याची माहिती आम्हाला हवी आहे. एक नवरा म्हणून त्याने काय केलं पाहिजे, आम्हाला न्याय हवा आहे. वैष्णवी ही Suicidal tendency ची होती, तिने अनेकवेळा आत्महत्येचा प्रयत्न केला आहे, नको ती व्यक्ती नाही म्हणून तिने आत्महत्या केली असावी
आत्महत्या करण्याचे मुख्य कारण वेगळं आहे पण ते आम्हाला शोधायचं नाही. 40 लाख रुपयांची गाडी दिली म्हणतात, आमच्या घरात 5 कोटी रुपयांच्या गाड्या आहेत. चॅट करणाऱ्या व्यक्तीने त्रास दिला असावा, म्हणून तिने आत्महत्या केली असावी. हगवणे यांच्या वकिलाने न्यायालयात मोठा गौप्यस्फोट केला आहे. एखाद्या नवऱ्याने आपल्या चार कानाखाली मारली म्हणजे ती harrasment होत नाही. वैष्णवी चे न्यायालयात चारित्र्य हनन करण्याचा हगवणेंच्या वकिलांनी प्रयत्न केला. तसेच आमच्याकडे पाच कोटींच्या गाड्या आहेत. मग आम्ही चाळीस लाखांच्या फॉर्च्युनरसाठी कशाला हॅरेसमेंट करु असंही आरोपींचे वकील म्हणाले.
यावेळी सरकारी वकील नितीन अडागळे यांनी आरोपींनी हुंड्यात मिळालं होतं 51 तोळे सोने कुठे गहाण ठेवलं होतं, याचा तपास अजून बाकी आहे. वैष्णवी यांना मारहाण केलेले हत्यारे आणि रॉड अजूनही जप्त करायचा आहे. मोबाईल जप्त करायचे आहे कारण मोबाईलमध्ये काही शूटिंग असल्याची शक्यता आहे. मोबाईलमधील चॅट आणि कॉल रेकॉर्डिंग असेल तर ते शोधायचे आहे,त्यामुळे आरोपींच्या पोलिस कोठडीची मागणी केली.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.