Vasant More : वसंत मोरे यांची खासदार मोहोळांवर टीका, 100 कोटींच्या भ्रष्टाचाराचा आरोप अन् जोरदार आंदोलनही

Pune News : पुणे रेल्वे स्टेशन येथे करण्यात येणाऱ्या प्रवाशाच्या सुरक्षा उपाययोजनाच्या कामांमध्ये भ्रष्टाचार झाल्याचा धक्कादायक आरोप शिवसेना उद्धव बाळासाहेब ठाकरे पक्षाकडून करण्यात आला आहे. या आरोपानंतर पक्षाकडून आंदोलन करण्यात आले असून पक्षाचे नेते वसंत मोरे यांनी पुण्याचे खासदार मुरलीधर मोहोळ यांच्यावर निशाना साधला आहे. तसेच रेल्वे प्रवाशांच्या सुरक्षेतेच्या दृष्टिकोनातून 100 कोटी मंजूर करण्यात आले असताना देखील सुरक्षिततेसाठी सीसीटीव्ही अथवा कोणती उपाययोजना करण्यात नसल्याचा दावा केला आहे.

पुणे रेल्वे स्टेशनमध्ये शंभर कोटींचा भ्रष्टाचार झाल्याचा आरोप ठाकरे सेनेकडून करण्यात आला आहे. पुण्याचे खासदार मुरलीधर मोहोळ यांच्यावर देखील वसंत मोरे यांनी जोरदार हल्लाबोल करताना विविध मुद्दे मांडत भ्रष्टाचार झाल्याचा दावा केला आहे. त्यांनी, पुणे रेल्वे स्थानकाच्या सुरक्षा व्यवस्थेसाठी 100 कोटीच बजेट देण्यात आला आहे. मात्र गेल्या दोन वर्षात पुणे रेल्वे स्टेशनच्या सुरक्षिततेच्या दृष्टिकोनातून कोणतीही उपाययोजना करण्यात आल्याचे पाहायला मिळत नसल्याचे म्हटलं आहे.

पुणे रेल्वे स्टेशनच्या सुरक्षेतेचे बारा वाजले असताना पुण्याचे खासदार आणि केंद्रीय मंत्री असलेले मुरलीधर मोहोळ इकडे फिरकले देखील नाही. मुरलीधर मोहोळ हे फक्त विमानतळावर येतात आणि तिकडची व्यवस्था बघतात मात्र सर्वसामान्यांसाठी असणाऱ्या रेल्वे स्टेशनकडे गेल्या एक वर्षाच्या कालावधीत ते फिरकले नाहीत. त्यांनी रेल्वे प्रवाशांच्या सुरक्षिततेबाबत आढावा देखील घेतलेला नाही.

गेला एक वर्षाच्या कालावधीमध्ये मुरलीधर मोहोळ हे फक्त विमानतळालाच भेट दिली असून त्याच्या उपाययोजनांबाबत माहिती घेतली आहे. परंतु वेळात वेळ काढून खासदारांनी पुणे रेल्वे स्थानकामध्ये देखील यावं आणि याच्या सुरक्षा व्यवस्थित तिची उपाययोजनांची माहिती घ्यावी असं वसंत मोरे म्हणाले.

पुणे रेल्वे स्टेशनची सुरक्षा व्यवस्था ही कुचकामी झाली आहे. या ठिकाणच्या सुरक्षितेचे साठी लावलेल्या मशीन्स काम करत नाही, सीसीटीव्ही बंद पडलेले आहेत. खासदार फक्त लोकसभेमध्ये उभा राहून मोठी मोठी भाषण करतात आणि सांगतात की देवाची उरुळी येथे मोठं रेल्वे स्थानक करण्यात येणार आहे. मात्र त्याआधी पुणे रेल्वे स्टेशनचं काय करणार याबाबतचा खुलासा खासदारांनी करणे आवश्यक आहे.

पुणे रेल्वे स्थानकाच्या सुरक्षा व्यवस्थेसाठी 100 कोटी रुपये आले होते. मात्र या शंभर कोटी रुपयांचं काय करण्यात आलं याबाबत प्रशासनाकडून कोणत्याही उत्तर देण्यात येत नाही. त्यामुळे त्या शंभर कोटींचा भ्रष्टाचार झाला असल्याचा आमचा आरोप असल्याचं वसंत मोरे म्हणाले.