.jpg?w=480&auto=format%2Ccompress&fit=max)
Pune Police on Vanraj Andekar Murder Case : पुण्यात चार दिवसांपूर्वी राष्ट्रवादी काँग्रेसचे माजी नगरसेवक वनराज आंदेकर यांच गोळ्या झाडून तसेच धारधार शस्त्रांने वार करून रात्रीच्या सुमारास रस्त्यात हत्या झाली. या घटनेमुळे शहरात एकच खळबळ उडाली, शिवाय पुण्यात पुन्हा एकदा गँगवॉरने डोकं वर काढल्याच्याही चर्चा सर्वसामान्यांमध्ये सुरू झाल्या आहेत.
दरम्यान याप्रकरणी पोलिसांनी तपासाची चक्रे वेगाने फिरवत आत्तापर्यंत एकूण १५ आरोपींना अटक केली आहे. तसेच, अन्य तीन अल्पवयीन मुलांचा ताब्यात घेतले आहे. उर्वरित दोघांचा पोलिस शोध घेत आहेत.
शिवाय या हत्येमागे वनराज आंदेकर(Vanraj Andekar) यांच्या सख्ख्या बहिणी आणि त्यांच्या पतींचा हात असल्याचीही माहिती समोर आलेली आहे. अशात आता या प्रकरणात आणखी एक मोठी अपडेट समोर आली आहे.
राष्ट्रवादी काँग्रेसचे माजी नगरसेवक वनराज आंदेकर खून प्रकरणाचा मुख्य सूत्रधार सोमनाथ गायकवाड असल्याचा दाट संशय पोलिसांना आहे. गायकवाडने त्याचा साथीदार निखिल आखाडेच्या मृत्यूचा बदला घेण्यासाठीच हा खून केल्याची माहिती पोलिसांच्या प्राथमिक तपासात समोर आली आहे.
वनराज यांनी बहीण संजीवनी कोमकर आणि मेहुण्याचे किराणा दुकान पाडण्यास लावले. त्यावरून झालेल्या वादातून वनराज यांचा खून झाल्याचे वनराज यांचे वडील सूर्यकांत आंदेकर यांनी फिर्यादीत म्हटले आहे. वनराज यांचा खून कौटुंबिक आणि संपत्तीच्या वादातून झाल्याचा संशय आहे. मात्र, पोलिस सध्या गायकवाडच्या सहभागाच्या अनुषंगाने तपास करीत असल्याची माहिती वरिष्ठ पोलिस अधिकाऱ्याने ‘सकाळ’शी बोलताना दिली आहे.
गतवर्षी ऑक्टोबर महिन्यात आरोपी सोमनाथ गायकवाडचा साथीदार निखिल आखाडे आणि शुभम दहिभाते यांच्यावर कोयता आणि स्कू-ड्रावरने वार करण्यात आले होते. त्यात निखिल आखाडेचा मृत्यू झाला होता. त्याचा बदला घेण्यासाठी सोमनाथने संजीवनी, जयंत, प्रकाश आणि गणेश कोमकर यांच्याशी संगनमत करून वनराज यांच्या खुनाचा कट रचल्याची माहिती तपासात समोर आली आहे. परंतु आंदेकर यांच्या खुनामागे आणखी काही कारणे असण्याची शक्यता वर्तविण्यात येत आहे.
दरम्यान, पुणे पोलिसांच्या(Pune Police) पथकाने मंगळवारी (ता.3) सायंकाळी ताम्हिणी घाटातून 13 जणांना मुसक्या आवळल्या.हे सर्वजण जेवण्यासाठी हे ताम्हिणी घाट परिसरात थांबले होते. जेवण उरकल्यानंतर घाटातून पुढे पळून जाण्याच्या तयारीत होते. पण पोलिसांनी सिनेस्टाइलने आधीच या सगळ्या आरोपींना ताब्यात घेतलं.
(Edited by - Mayur Ratnaparkhe)
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.