Nandurbar Politics: विजयकुमार गावित विरुद्ध चंद्रकांत रघुवंशी; श्रेयवादावरुन दोन्ही नेत्यांमध्ये विस्तव कायम

सागर निकवाडे

Nandurbar News : भाजपचे माजी मंत्री व आमदार विजयकुमार गावित आणि शिवसेनेचे विधान परिषदेचे आमदार चंद्रकांत रघुवंशी यांच्यातील विळ्या-भोपळ्याचे नाते जगजाहीर आहे. श्रेयवादावरुन दोन्ही नेत्यांमध्ये विस्तव कायम आहे.

नंदुरबारमध्ये पुन्हा एकदा विजयकुमार गावित विरुद्ध चंद्रकांत रघुवंशी यांच्यातील वादाचा भडका उडाला आहे. भांडे वाटपाचा कार्यक्रमावरुन विजयकुमार गावित अन् चंद्रकांत रघुवंशी यांच्यात वाजलं आहे.

आगामी स्थानिक स्वराज्य निवडणुकीपूर्वीच नंदुरबारमध्ये राजकीय वातावरण तापलं आहे. उपमुख्यमंत्री एकनाथ शिंदे यांचे आमदार चंद्रकांत रघुवंशी यांनी भाजप आमदार विजयकुमार गावित यांच्यावर गंभीर आरोप केले आहेत.

भाजप आमदार विजयकुमार गावित भ्रष्टाचाराच्या योजना राबवत असतात, डॉ. विजयकुमार गावित यांना मंत्री पदावरून का हाकलल यांचं उत्तर द्याव, असे चंद्रकांत रघुवंशी यांनी म्हटलं आहे. नंदुरबारचा सातबारा गावित कुटुंबियांचा नावावर नसल्याची टीका आमदार चंद्रकांत रघुवंशी यांनी केली आहे.

मोठ्या प्रमाणावर लाभार्थ्यांच्या रांगा लागल्या होत्या. त्यांना भाड्यांच्या पेट्या का वितरण करण्यात येत नाही, असा सवाल जिल्हाप्रमुख रघुवंशी यांनी ठेकेदाराला केला. जोपर्यंत लोकप्रतिनिधी कार्यक्रमाच्या ठिकाणी संच वाटपाला येत नाहीत. तोपर्यंत लाभार्थ्यांना ते देता येणार नाही, असे ठेकेदाराने सांगितले. यावरुन ठेकेदार आणि राम रघुवंशी यांच्यात शाब्दीत वाद झाला.

कार्यक्रमांच्या ठिकाणी विजयकुमार गावित यांनी शिवसेना जिल्हा प्रमुख राम रघुवंशी यांच्यात शाब्दिक वाद विकोपाला गेला.गावित यांनी थेट राम रघुवंशी यांना गेट आऊट म्हणत हा आमचा कार्यक्रम आहे मी आमदार आहे, तुम्ही येथून निघून जा, असा सल्ला दिला.

"चंद्रकांत रघुवंशी यांनी हे कोण कोणत्या गोष्टीचे लाभार्थी आहे, हे सर्व मी पुढे बोलणार आहे, असं ते म्हणाले. चंद्रकांत रघुवंशी हे आदिवासीच्या जमिनी हडप करण्याचे काम करतात, असा गंभीर आरोप त्यांनी केला. यामुळे नंदुरबार जिल्ह्यात पुन्हा भाजप आणि शिंदे गटात वाद होण्याची शक्यता आहे.