Pankaja Munde Vs Bajrang Sonnwane : कोट्यधीश उमेदवार; पण सरस कोण ठरणार?

Beed News : महायुतीच्या उमेदवार पंकजा मुंडे यांनी मंगळवार (ता. 24) आपल्या उमेदवारीचा अर्ज भरला. यावेळी त्यांनी सादर केलेल्या शपथपत्रांवर त्यांनी त्यांच्याकडे व त्यांच्या पतिकडे असलेल्या संपत्तीच विवरण दिले आहे. तसेच त्यांच्यावरती असलेल्या कर्जाची माहिती देखील यामधून समोर आली आहे.

पंकजा मुंडे या 10 कोटी 92 लाख 83 हजार 468 रपये संपतीच्या मालक असून त्याबरोबरच त्यांच्या पतीकडे 35 कोटी 48 लाख 50 हजार 508 रुपयांची संपत्ती आहे. त्याचप्रमाणे पंकजा मुंडे यांच्या दोन गुन्हे देखील दाखल आहेत. त्याबरोबरच बजरंग सोनवणे यांची देखील संपत्ति कोटींच्या घरात असून ते देखील २८ कोटींच्या संपत्तीचे मालक आहेत.

महायुतीच्या उमेदवार पंकजा मुंडे यांनी मोठे शक्तिप्रदर्शन करत आपला उमेदवारी अर्ज सादर केला. बधवारी सकाळी त्यांनी उमेदवारी अर्ज सादर केल्यानंतर त्यांनी शहरातून रॅली काढली होती तर सायंकाळी सभा घेण्यात आली.

मुंडे यांनी भरलेल्या अर्जासोबत जोडलेल्या शपथपत्रामध्ये आपल्या सर्व संपत्तीची माहिती निवडणूक आयोगाला दिली आहे. त्यानुसार पंकजा मुंडे या त्यांच्या पतीच्या संपत्तीसह एकूण 46 कोटी 41 हजार 33 लाख 976 रुपये एवढ्या संपत्तीच्या मालक आहेत.

(राजकारणातील महत्त्वाच्या बातम्यांचे अपडेट्ससाठी सरकारनामाचे अधिकृत WhatsApp चॅनल फॉलो करा!)

त्याचप्रमाणे पंकजा मुंडे (Pankaja Munde) यांच्याकडे विविध बँकांचे 2 कोटी 74 लाख 89 हजार इतके कर्ज असून त्यांच्या पतीच्या नावे देखील 24 कोटी 28 लाख 90 हजार रुपयांचे कर्ज आहे. पंकजा मुंडे यांनी आपल्या शपथपत्रांमध्ये आपल्या कडील असलेल्या सोन्या व चांदीच्या दागिन्यांचा तपशील दिला असून त्यानुसार त्यांच्याकडे 450 ग्राम सोने असून 1 किलो चांदीसह इतर दागिने आहेत ज्याची एकूण किंमत 38 लाख 43 हजार रुपये आहे. तसेच पंकजा मुंडे यांच्या नावाने एकही वाहन नसून त्यांच्या पतीकडे मात्र दोन चारचाकी वाहने आहेत.

तसेच सोमवारी (ता. २२) महाविकास आघाडीचे उमेदवार बजरंग सोनवणे (Bajrang Sonwane) यांनी आपला उमेदवारी अर्ज सादर केला होता. यावेळी त्यांनी दिलेल्या शपथपत्रामध्ये दिलेल्या माहितीनुसार ते एकूण 28 कोटी 92 लाख 18 हजार रुपये संपत्तीचे मालक आहेत. सोनवणे व कुटुंबाकडे 10 कोटी 63 लाख 10 हजार 459, इतकी जंगम मालमत्ता आहे तर 18 कोटी 29 लाख 68 हजार इतकी स्थावर मालमत्ता आहे.

त्याचप्रमाणे त्यांच्याकडे 12 वाहने, 9 तोळे सोने आहे. बजरंग सोनवणे यांच्यावर 6 कोटी 93 लाख 18 हजार 112 रुपयांचे कर्ज आहे, तर पत्नी सारिका यांच्यावर 72 लाख 82 हजार 969 रुपयांचे कर्ज आहे. एकत्रित कुटुंब 9 लाख 14 हजार रुपयांचे कर्ज आहे. परंतु बजरंग सोनवणे यांच्यावरती कोणत्याच प्रकारचा गुन्हा दाखल नाही.

(Edited By Deepak Kulkarni)