Assam Election Results 2026: आसामच्या निवडणूक रणांगणात भाजप-एनडीएचा दबदबा स्पष्ट दिसू लागला आहे. ताज्या कलानुसार मुख्यमंत्री हिमंता बिस्वा सरमा (Himanta Biswa Sarma) यांच्या नेतृत्वाखालील NDA आघाडीने ९० पेक्षा अधिक जागांवर आघाडी घेतली आहे. त्यामुळे आसाममध्ये सलग तिसऱ्यांदा सत्तेची ‘हॅट्रिक’ होण्याची शक्यता बळावली आहे.
१२६ जागांच्या विधानसभा निवडणुकीत आतापर्यंत सुमारे ११० जागांचे ट्रेंड समोर आले आहे. त्यात काँग्रेस-आघाडी (CONG+) फक्त २७ जागांवर आघाडीवर दिसत आहे. उर्वरित जागांवर ‘इतर’ पक्ष किंवा अपक्षांची कामगिरी असमाधानकारक आहे.
आसाममध्ये सुरुवातीच्या कलांनुसार भाजपने आक्रमक आघाडी घेतली आहे. आता हे ट्रेंड हळूहळू ठोस आकड्यांमध्ये बदलताना दिसत आहेत. सध्याचे चित्र कायम राहिल्यास आसाममध्ये भाजप-एनडीएचा विजय जवळपास निश्चित मानला जात आहे.
आसाम विधानसभा एकूण १२६ जागांची असून सत्तेसाठी ६४ जागांचा जादुई आकडा आवश्यक आहे. NDAने हा टप्पा बऱ्याच पुढे पार केल्याने सरकार स्थापनेचा मार्ग जवळपास मोकळा झाला आहे.
काँग्रेस आणि तिच्या सहयोगी पक्षांची कामगिरी अपेक्षेपेक्षा खूपच कमी राहिल्याचे दिसत आहे. निवडणुकीत मांडलेले मुद्दे आणि रणनीती मतदारांना कितपत पटली नाही, याचा परिणाम निकालात स्पष्टपणे दिसतो आहे.
आसाम विधानसभा निवडणुकीत काँग्रेससाठी धक्कादायक घडामोड समोर आली आहे. काँग्रेसचे नेते Gaurav Gogoi जोरहाट विधानसभा मतदारसंघातून पिछाडीवर असल्याचे रुझानातून दिसत आहे.
या मतदारसंघात भाजपचे Hiten Nath Goswami आघाडीवर असून काँग्रेससाठी ही मोठी चिंता मानली जात आहे. सुरुवातीपासूनच या जागेवर चुरशीची लढत अपेक्षित होती, मात्र सध्याचे ट्रेंड भाजपच्या बाजूने झुकताना दिसत आहेत.
गौरव गोगोई हे काँग्रेसचे महत्त्वाचे नेते मानले जातात. अशा परिस्थितीत त्यांची पिछाडी ही पक्षासाठी मोठा राजकीय झटका मानला जात आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.