Job Opportunities for Every Family in Bihar Within 20 Months : बिहार विधानसभा निवडणुकीच्या तारखा जाहीर झाल्यानंतर आता सर्वच राजकीय पक्षांची धावपळ सुरू आहे. उमेदवार निश्चित करण्यासह आघाडीच्या चर्चाही अंतिम टप्प्यात आल्या आहे. या धामधुमीत राष्ट्रीय जनता दलाचे नेते तेजस्वी यादव यांनी गुरूवारी ऐतिहासिक घोषणा केली आहे. या घोषणेला पंतप्रधान नरेंद्र मोदी आणि मुख्यमंत्री नितीश कुमार यांनी बिहार जिंकण्यासाठी तयार केलेले प्लॅन तोडीस तोड टक्कर देणार का, अशी चर्चा सुरू झाली आहे.
तेजस्वी यादव यांनी निवडणुकीच्या पार्श्वभूमीवर आपल्या पक्षाचा स्वतंत्र जाहीरनामा प्रसिध्द केला. यामध्ये त्यांनी सध्या बिहारमध्ये भेडसावत असलेला सर्वात मोठा बेरोजगारीच्या मुद्द्यावर बिहारवासियांना मोठे आश्वासन दिले आहे. सत्तेत आल्यानंतर बिहारमधील प्रत्येक घरातील एका व्यक्तीला सरकारी नोकरी देण्याची घोषणा तेजस्वी यांनी केली आहे.
ही घोषणा करताना यादव म्हणाले, आर्थिक न्यायानुसार आज आम्ही एक ऐतिहासिक आणि क्रांतीकारी घोषणा केली आहे. आम्ही सत्तेत आल्यानंतर बिहारच्या ज्या कुटुंबातील व्यक्ती सरकारी नोकरीमध्ये नाही, अशा कुटुंबांसाठी एक नवीन कायदा बनविला जाईल. या कायेद्यानुसार प्रत्येक कुटुंबातील एका व्यक्तीला सरकारी नोकरी दिली जाईल, असे यादव यांनी सांगितले.
बिहारमध्ये सध्या बेरोजगारीचा मुद्दा तापला आहे. 20 वर्षांत हे सरकार तरुणांना नोकरी-रोजगार देऊ शकले नाही. आमचे सरकार येताच 20 दिवसांच्या आता एक विशेष नोकरी-रोजगार कायदा तयार करून 20 महिन्यांत प्रत्येक कुटुंबात एक सरकारी नोकरी पोहचविण्याचे काम करणार आहोत. तेजस्वीने 17 महिन्यांत 5 लाख नोकऱ्या देऊन दाखविले आहे, आता 20 महिन्यांत प्रत्येक कुटुंबात नोकरी देऊ, अशी तेजस्वी यादव म्हणाले.
तेजस्वी यादव यांनी सांगितले की, ‘या योजनेनुसार नोकऱ्या कशा दिल्या जाणार, निधी कुठून आणणारा, याचा अभ्यास करण्यात आला आहे. जे शक्य आहेत, तीच आश्वासने देत आहोत. फसविण्याचे काम करणार नाही.’ दरम्यान, तेजस्वी यादव यांचे हे आश्वासन ऐतिहासिक असेच आहे. आतापर्यंत कोणत्याही राज्यात प्रत्येक कुटुंबात सरकारी नोकरी देण्याबाबतचा कायदा नाही. देशात पहिल्यांदाच असा कायदा अस्तित्वात येऊ शकतो.
पंतप्रधान मोदी आणि नितीश कुमार यांनी आचारसंहिता लागण्यापूर्वी बिहारसाठी अनेक घोषणा केल्या आहेत. अनेक योजना सुरू केल्या असून त्याची अंमलबजावणीही सुरू झाली आहे. मात्र, तेजस्वी यांनी दिलेल्या आश्वासनामुळे सत्ताधाऱ्यांचे टेन्शन वाढणार आहे. तेजस्वी यांचे आश्वासन तरुणाईसह प्रत्येक कुटुंबासाठी असल्याने त्याला महत्व प्राप्त झाले आहे. यापुढेही आणखी घोषणा केल्या जातील, असेही त्यांनी सांगितले आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.